Monday, October 23, 2017

طريقة عمل مطبق بالجبن بالصور

وصفتي اليوم مطبق بالجبن طريقته سهله

فكرة اللف ماتحتاج شرح بس حطيت لها صوره للي مايعرفها وعموما سبق وشرحتها ارتوس

الفكره بس تجديد بالحشوه,, اتمنى تعجبكم

نبدا :

* في البدايه احب انبهكم لشغله ,, يفضّل استخدام الرقاق البيتي او اللي ينباع بالكيلو لانه مدهّن شوي ومو ناشف

بعكس سويتيز وطقتها تطلع معانا ناشفه

– للحشوه راح نحتاج جبن شيدر مبشور ولو عندك جبنه بيضاء ممكن تضيفين شوي بس مقدار الشيدر اكثر

– وفي صحن ثاني نحط بصل اخضر مفروم + بقدونس مفروم + فلفل اسود + رشة كمون

بتقولون ليش كل واحد بصحن لحال ! لان لو خلطناهم ماراح تتوزع الجبنه عالمطبق بالتساوي

بنلقى جهه فيها جبن وجهه فاضيه

بس بهالطريقه نقدر نتحكم في كمية الجبن في كل حبه

* ونصيحه ثانيه مايحتاج نملحها لانها اولا ماتحتاج ولانها راح ترطّب بزياده وراح تطلّع لنا سوائل في الفرن

– نبدا نحط رقاقتين فوق بعض بشكل + وفي الوسط حشوة البقدونس والبصل وعليهم الجبن

– بعد كذا نطبق الاطراف على بعض واخر طرف يندهن بالصمغ <~ دوعابتن

بخليط الدقيق والمويه ,, ولو في زوايد عالاطراف نقصها بالسكين بس غالبا ماراح يزيد شي

– نرصها في صينيه وندهنها بالفرشه بشوي زيت ,,

وممكن تسوونها عالصاج بس الفرن اسهل واسرع

وهذي النتيجه

About admin

Leave a Reply

Your email address will not be published. Required fields are marked *

*