Monday, September 25, 2017

طريقة عمل تميس بسكوت بالصور

المقادير :~

2 كوب دقيق

3/4 كوب ماء

3 ملاعق كبيرة سمن

ملعقه صغيرة خميره فوريه

نص ملعقه بيكنج صودا

ملعقه صغيره ملح .

الطريقه :~

نخلط الدقيق مع الملح والخميره والبيكنج صودا مع بعض

نضيف ملعقة سمن ونفركها بالدقيق حتى تختفي

نصب الماء ونبدأ نعجن

بعد ما تتجمع العجينه على بعض نبدأ نضيف الباقي من السمن على دفعات كل مره ملعقه صغيره

ونعجن لين تختفي ثم نحط ملعقه صغيره ونعجن لين ينتهي السمن .

حتى نحصل على عجينه ناعمه

نقسم العجينه الى كورتين ( راح تسوي معك حبتين تميس اذا حابه اكثر ضاعفي المقدار )

تلف العجينه بنايلون وتترك في الثلاجه مدة 12 ساعه ومو اقل من 6 ساعات يعني ممكن اذا بتسوينها على العشاء تعجنينها الصباح واذا حابه تكون على الفطور اعجينيها من الليل .

طلعي العجينه قبل تخبزي بنص ساعه ثم ولعي الفرن من تحت وفوق حتى يسخن زين وحطي صاج في الفرن عشان يسخن ,,وابدي افردي الكوره الاولى وخرميها بالشوكه على حسب ذوقك اذا تبغيها متينه او رقيقه

ادهني وجه التميس بالحليب السائل ورشي السمسم وشيلي القرص وحطيه على الصاج الساخن ودخليه الفرن

وراقبيه ما ياخذ وقت ويتحمر بسرعه وراح تلاحظي ريحة التميس تجنن وتفوح بالبيت

هذ شكله اول ما طلع انا انشغلت بولد اختي ونسيته بالفرن فأخذ له كم حبة خال كبيره

About admin

Leave a Reply

Your email address will not be published. Required fields are marked *

*