Wednesday, September 20, 2017

بالصور Doughnuts طريقة عمل

مقادير العجينه :

4 ونص كاس طحين منخول ..
نص كاس زبده ..
بيضتين ..
ملعقة صفيره ملح ..
1 ونص كاس حليب سائل ..
6 ملاعق كبيره سكر مطحون ..
ملعقة كبيره بكنج باودر ..
ملعقتين كبيره خميرة ..
ملعقة كبيره فانيليا سائل ..

نبدأ بالطريقه

1 / ناخذ الخميرة ونحطها في صحن مقعر .. وناخذ من الحليب السائل مقدا 3 ملاعق كبيره وندفيها ونحطها مع الخميره .. وناخذ من السكر المطحون ملعقتين صغيره ..

2/ نخلطها لين تتجانس وتسير الخميره ذايبه فيها .. نخليها على جنب ونبدا بالعجينه ..

3/ نبدا نحط البيض والسكر ..

4/نضيف الزبده بعد إذاتها ..

5/ بعدها نظيف الفانيليا السائل زي ما إنتو شايفين .. ونحط البكنج باودر ..

6/ لاحظوا الخميره كيف صارت .. هنا هي جاهزه وصايره تمام ..

7/ نحط المح مع الطحين المنخول وثم يضاف تتدريجيا بالتناوب بينه وبين الخميره والحليب .. ونخليها تعجن لمده 7 دقايق لين تتماسك ..

8/ هنا شكل العجينه بعد ما إنعجنت شوفوا وشلون العجينه تدوووخ .. لينه وجميله .. ندهن العلبه إلي راح نحط فيها العجينه ببشوي زبده .. ونخليها تخمر لمدة ساعتين ..

طبعا على بال ما تخمر العجينه نبدا بالكاسترد .. المقادير :

3 صفار بيض (مافيه مشكله لو حطيتيها كامه و حطيتي من الكاسترد البودره عشان اللون ) ..
ملعقة صغيرة فانيليا سائل ..
ملعقتين كبيره نشاء ..
ربع كاس سكر ..
شوي ملح ..

9/ هذي كل المقادير ما عدا الحليب ..

10/ نخلط المقادير لين تتجانس ..

11/ نسخن الحليب ونضيفه على الخليط تدريجي ونخلط ..

12/ بعد ما خلطناه نحطه على نار لين يثخن شوي وعلى طول نشيله .. وإنتي تخلطين راح يتكتل لكن ما عليك كملي خلط ورايح يطلع تمام ..

طبعا الكاسترد ينحط في شي زي القمع بس دورته بصوره لكم ولا لقيته .. فـ أي شيء له أفم طويل يصلح <<< عجزت أعبر ..

يعني اي شيء زي حقت الدريم ويب نقدر نحط جواها الكاسترد بس تسير الجهه إلي نطلع منها الكاسترد طويله .. بس حقت الدريم ويب ما تصلح لأنها قصيره وعريضة ..

وهذي مقادير طبقة الكاكاو إلي فوق زينيها وبوقت خمر العجينه :

ربع علبة كريمة الخفق العلبة الصغيره ..
ملعقة كبيره عسل ..
100 جرام كاكاو خام ..
ملعقة صغيرة فانليا ..

تخلطينها على انار بس يذوب الكاكاو ويتجانس الخليط وتحتمي الخلطه إرفعيها من الفرن و خليها على جنب لين تقلي الدونات ..

13/ هذا شكل العجينه بعد ما خمرت .. لاحطوا إن حجمها تضاعف ..

14/ نفرد العجينه سمك 1سم ونبدا بتقطيعها ..

15/ نشيل الزوائد ونعجنها ونرجعها على جنب عشان تلين .. تقدرين تقطعين العجينه بهذا الشكل إما بقطاعه الدونات .. أنا شريتها من محل السيف حق الأواني .. أو إذا مو متوفره عندك تقدرين تقطعينها بأي شيء دائري إما قطاعه أو كاس .. والدائرة الداخليه الصغيره بغطاء الدواء ..

16/ نحط الدونات على ورق زبده.. ونخليها ربع ساعه تخمر .. أنا ما كان متوفر عندي ورق زبده فـ قصيت ورق قلي ورشيت فوقه طحين عشان ما يصلق .. طبعا بتقولين ارش صينيه بطحين واحط عليها أقولك لأ .. لأنه ما راح تقدرين تشيلين الدونات عشان تقلينها لأنها بتسير خفيفه مرررره ولو شلتيها وحطيتيها تقلى راح يبان مكان ضغط إصبعك عليها وماراح ينتفش هذا المكان ..

بعد ما تخمر أنا أقليها بقلايه كهرب عشان درجة الحراره ما تتغير زي القلي على فرن .. إذا قليت على فرن حبة تضبط وحبة لأ ..

شوفي فيه شيء مهم إذا تبغين الكاسترد ينتشر جوا الدونات بطريقه حلوه .. لازم لازم لازم لازم أول ما ترفعين الدونات من الزيت تدخلين قمع الكاسترد بالدونات وتضغطينه لينه ما تقدرين تزيدين .. إذا تأخرتي شوي ولا حشيتيها أو ما ترفعيها من الزيت ماراح يضبط معك ..

بعد ما نخلص قلي نغطي وجه الدونات بالكاكاو إلي سويناه قبل ..

ودي أقولكم شيء ..

انا زينتها بحشوة فراوله بس ما صورتها .. طبعا الفروله هو مربى بيتوتي كان كاس فراوله مجمده مع نص كاس يكر وأحطها على النار لين يذبل الفراوله أبدا أهرشه فإذا خسته طلع مربى أشيله وأحشيه بنفس طرية الكاسترد .. وأغطيها بـ سكر بودره ..

وفيه خلطة السكر إلي تطلع شفافه بعد هي ما صورتها

مقاديرها :

3 كاسات سكر مطحون ..
ثلث كاس زبده مذوبه ..
ملعقتين كبيره حليب سائل ..
ملعقتين صغيره فانيليا ..

تخلطها سوا بدون نار لين تطلع شفافه ونغطي الدونات فيها ..

مررره أعتذر عن عدم تصويري بس لأني خقيت مع الكاسترد ونسيت هذيك الأشياء لا أصوره ..

بس إذا زينتها مره ثانيه إن شاء الله راح أصورها وأوريكم إياها ..

وفي النهاية أترككم مع الصور

 

 

About admin

Leave a Reply

Your email address will not be published. Required fields are marked *

*