Saturday, September 23, 2017

طريقة عمل كفته الزهره بسوس الطحينيه بالصور

 

 

المقادير :

دجاجه
راس زهرا الى راس ونصف
بصله متوسطه مفرومه
ملعقتين نعناع مفروم
ملعقتين بقدونس مفروم
بيضه
1قشطه
3 ملاعق جبن

جبن موزاريلا
2 ملعقه دبس الرمان
بهارات كاري +فلفل اسود
2 عود فلفل حار
ملح

طحين وبقسماط وبيض (للتغطيه )


الطريقه ..

1:الدجاجه ننظفها ونزيل الجلد ونسلقها بهيل ثم نفلله
2:الزهره نسلقها سلق كامل لين تنهرس من كثر الطبخ ثم نشخلها من مويتها و نهرسها بالشوكه
3:الخظار (الفلفل والبصل والنعناع والبقدونس )نقطعه ونخليه جاهز
4:نجي الحين نجهز باول كبيره ونحط الدجاج المفلل+البصل +النعناع+البقدونس +الفلفل الاخظر المفروووم+الزهره+البيضه +الاجبان +دبس الرمان +البهارات)
5:نخلط الى ان يصبح الخلي جاهز .. من ملح وبهارات ..
6:نشكلها ااصابع او دوائر مثل ماتفظلون ..
7:نجهز
بصحن البقسماط(فيه رشه بهارات)
بصحن البيض(فيه رشه بهارات )
بصحن الدقيق ( فيه رشه بهارات +بيكربكونات الصوديوم )

ونبدا

دقيق ثم بيض ثم دقيق ثم بقسماط . .

ونحطها في الفريز مشان تتماسك قبل القلي ..

وانا كل ما اسوي للبيت اسوي لي منها في ~الفرن~ ..

احط 2 ملعقه زيت في الصينيه وامسح الكفته بالزيت .. وتصير وش حلاتهااااااا .. لاهي ناشفه ولا ماتنأكل ..

نجي ل sause
3 ملعقه طحينيه مذوبه بربع كاس ماء بارد
1 زبادي قليل الدسم
فلفل اسود
ملح
فص ثوم مفروم (اختياري )خفت منكم لاتجوني بمحور العجين
ونخلط الجميع زين .. حتى يكون خليط واحد مش منفصل عن بعض ..


ونجهز مثل مانحب .. ولاتنسون السلطه(اهم شي يكون فيها جرجير  والخبز مشان تعلمو لكم الذ ساندويتش ..

وان شاء الله مانسيت شي .. لانها مسيفه في مخي ..

 

 

 

 

 

 

 

 

 

 

 

 

About admin

Leave a Reply

Your email address will not be published. Required fields are marked *

*