Monday, November 20, 2017

طريقة عمل طماطم مشويه بالصور

حبيت اقدم لكم شي بسيط اسويه اذا كان عندي كمية طماطم كثيرة ,,, منها حفظ للطماطم من الخراب والعفن
ومنها يعطي الاكل نكهة مميزة وخصوصاً السلطات وهذا اللي شفته وذقته ,,, يمكن هالطريقة يعرفها بعضكم
خصوصاً المبدعات في المطبخ ماشاء الله عليهم ,,,, اشوي الطماطم بالفرن يعني اخليها طماطم مجففه جربوها
بجد نكهه خيااال وهذي مقاديري وطريقتي بعملها :
كمية من الطماطم مغسلة زين ومقطعة بالشكل اللي تحبين أنا قطعتها هلالي .
زيت زيتون
ملعقة صغيرة ملح وطبعاً مااكثر هذا بس المقدار اللي احطه لأني اخذ ببالي
بملح الاكل اللي بستخدم فيها الطماطم المشوية
ملعقة كبيرة بهارات بيتزا أو بهارات أيطالية
ملعقة كيرة بابريكا حلوة
ربع كوب خل بلسميك
ثوم بودرة ( انا مخلص من عندي )

والتنوع بالبهارات والاضافات شي يرجعلك طبعاً 

 

 

اخلطي الطماطم مع 3 ملاعق كبار زيت زيتون وكل المكونات الثانية ماعدا البلسميك وصفيهم زين في الصينية وطبعاً لازم تكونين حاطة بالصينية ورق زبدة .

 

 

دخليها الفرن على نار هادية ,,, وخليها على مهلها تستوى تمام وتجف السوايل وعاد ساعة أو على حسب فرنك انا اخذت معي ساعة وعشر دقايق وهذا شكلها

 

 

 

 

احفظيها ببرطمان زجاج بعد ماتبرد ,,,, واضيفي لها خل البلسميك وربع كوب زيادة زيت زيتون بس انا استخدمت خل بلسميك مخلوط معه زيت زيتون فاختصر علي شريته من عند الرفاعي بي 30 ريالز اختي تحب طعمه معه بس اللي تجرب اول مره تجرب من دون الخل انا احبه محفوظ بزيت زيتون لحاله بس .

 

 

 

أنا شويت معها فلفل احمر حار وبارد ,,, نفس الطريقة من دون اضافات بس لازم ينشال القشرة المحروقة بعد الشوي لأنها بتطلع مررره

 

 

حطيتها بنفس البرطمان لأني ابيها تكتسب طعم الطماطم ,,,,

 

 

استخدامتها واللي انا جربتها وطلعت خيااال ::

السلطات – شورما اللحم – شاورما الدجاج – على البيتزا – ساندوتش جبن ابيض مع خس

وحده من صديقاتي جربتها مع الكبسة وطلعت خيااال

اتمنى يعجبكم هالموضوع البسيط …

هذي صورة الخل ….

 

 

 

 

 

About admin

Leave a Reply

Your email address will not be published. Required fields are marked *

*