Saturday, November 18, 2017

طريقة عمل شيش طاووق بالصور

المقادير :

500-700 غ فيليه دجاج ( استخدمت 3 علب فرش )

م ك ثوم مهروس

2 م ك مسترد

م ك معجون طماط

علبه روب = حوالي كوب .. هالنوع حلو بالتتبيل او ممكن تستخدمون روب منزلي  … وفي اقتراح يبدل الروب بنص كوب مايونيز بس ما جربته

2 م ك خل

1/4 كوب زيت زيتون او اي زيت نباتي

رشه جوز الطيب ( اختياري لان في ناس تستحرم تستخدمها )

1 م ص كركم

1/4 م ص بهار حلو او اي نوع بهار تفضلون

1/4 م ص فلفل احمر حار  .. اذا تبون الشيش طاووق سبايسي زيدو الكميه

1/2 م ص اوريغانو او زعتر مجفف  او خليط من الاثنين

ملح وفلفل حسب الرغبه

الطريقه :

نقطع الفيليه حسب مكعبات حسب الحجم المفضل  … نخلط مقادير التتبيله ونخلطها مع الدياي

نتركها تتبل جم ساعه وكل ما زادت الفتره كل ما طلعت اطعم .. انا سويتها قبل بليله  وحطيتها بالثلاجه  … شوفو لونها ينن

نشكها بالاسياخ الخشبيه ..عند الشواء نحاول نتخلص من التتبيله ونشويها اما بالفرن او بجهاز الشوي

بس ما نبالغ بالشوي مجرد ما تستوي نشيلها وقدموها مع تبوله او عرايس دبس الفليفله او مع سلطه بطاط وهني وعافيه

 

 

الفرق بين شكل المشوي بالفرن و بالشوايه

 

 

 

About admin

Leave a Reply

Your email address will not be published. Required fields are marked *

*