Sunday, December 17, 2017

طريقة عمل الكول سلو(سلطة الكرنب بالمايونيز)

المقادير :

كوب مايونيز (من الى عاملينه امبارح )

نص كوب حليب

ملعقه كبيره سكر

ملعقه كبيره خل

كوبايتين كرنب ابيض مفروم او مبشور او اي حاجه المهم يكون مقطع رفيع اوي

نص كوب جزر مبشور او مفروم

الطريقه

بنحط المايونيز على الحليب والسكر والخل فى الخلاط ونخلطهم دقيقه واحده بس على ما يتجانسوا وبيبقى شكلها زي المايونيز كده بس خفيفه شويه لكن ما تخفيهاش اوي لو حطيتى نص كوباية لبن ولقيتها لسه تقيله حطي شوية لبن صغيرين كمان واخلطي وهاتبقى ميه ميه ان شاء الله

وبعدين فى وعاء عميق  تخلطي الكرنب مع الجزر وتصبي عليه الكلام الى حطيناه فوق فى الخلاط وتقلبيه

وتسيبه الخطه على الاقل 2 ساعتين قبل فى التلاجه قبل الاكل وتغطيها كويس

بس كده وتاكلوها بقى ولا نيجى ناكلها لكم كمان

طبعاااااا ممكن تزودي الجزر وتقللي الكرنب

ولو حسيتى ان السلطه طالعه ناشفه اعملي شوية مايونيز على حليب وسكر تااااني وحطيهم

 

About admin

Leave a Reply

Your email address will not be published. Required fields are marked *

*