Saturday, November 25, 2017

طريقة عمل كب كيك الدياي بالصور

الوصفة شفتها في منتدى ووصلتني برودكاست فالبلاك بيري وجربتها

الوصفة الاصلية عبارة عن صمون مقطع لشرائح ويتوزع في اوراق الكب كيك وتنحط عليه خلطة دياي وبقدونس مفروم وفلفل اخظر بارد ومن فوق صوص جبن وندخله الفرن..

غيرت فالوصفة واستخدمت التوست وقطعته دوائر اكبر من قاعدة الكب كيك ورتبتها بحيث يصير شكله مثل التارت

نفرم بقدونس ونقطع الفلفل البارد لقطع صغيرة


الصوص : 3 ملاعق جبنة كرافت سائلة + 1 قشطة + ملعقتين مايونيز ونخلطهم مع بعض


خلطة الدياي.. تقدرين تستعملين أي خلطة.. سواء كان دياي محمّر بالزيت والبصل أو تخلطينه مع صلصات جاهزة..

وبعد ما جهزنا الدياي وباجي المقادير نبتدي نرتبهم..

في صينية الكب كيك نوزع الاوراق ونحط فيهم التوست ونرص الاطراف علشان تصير مثل التارت

نحط شوية دياي وعليه بقدونس وفلفل..

نصب مقدار ملعقة من الصوص على كل كب كيك وندخل الصياني الفرن ونحمرهم من فوق بس

بعد ما نطلعهم من الفرن نغطيهم علشان ما يجف التوست لحين موعد التقديم وبالعافية

About admin

Leave a Reply

Your email address will not be published. Required fields are marked *

*