Tuesday, September 19, 2017

طريقة عمل بلاليط بالصور

 اسم الطبخة : بلاليــط
عدد : 10 – 12 شخص

مدة الطبخ : ساعه

المقادير

2 بلاليط ( شعيرية )
بصلة مفرومة
ملعقتين زبيب
7 فنايين شكر ” سكر ”
ملعقة طعام كركم
ربع ملعقة طعام قرفه مطحونه
ملعقة صغيره هيل
ملعقة صغيرة زعفران
بيض
ملح
زيت

الخطوة الاولى ” تحمير الشعيرية ”

نحط الزيت بالمقلاة و نحط الشعيرية و نبدا نقلبها 

لين ما يصير عندنا حبات صفرا و بنية ” تحملوا لا يحترق .. قلبوه ع طول لين ما توصلون لهالنتيجة ”

الخطوة الثانية

نحط ماي فالقدر و معاه الكركم و بمجرد ما يغلي الماي .. ننزل الشعيريه فيه .. نتريا عليها لين ما تلين ” ما تكون لينة بزيادة 

نشخلها .. و نضيف الشكر و القرفه و شوي هيل مطحون و نقلبها و هي بالمشخلة لين ما يذوب كل الشكر و ينخلط معاها و ريحة القرفه تفوح ..

ع الضو نحمر البصل و نضيف له الزبيب .. لين ما ينتفخ الزبيب و البصل يصير لونه ابيض شفاف ..
نضيفه ع البلاليط ف المشخله و نخلطها .. نرجع البلاليط فالقدر و نحطها ع ضو خفيفه مرة ..

الخطوة الثالثه ( بدون صور )

نكسر البيض و نضيف الملح و نخفقه و نقسمه ع خمس مرات .. مجرد ما انه يتحمر من الجهتين نطلعه

الخطوة الاخيره

بمجرد ما البخار بدا يطلع نرفع القدر من الضو و نغرف البلاليط فالمطبقيه .. ننثر فوقه شوي قرفه مطحونه .. و هيل مطحون و الزعفران .. و نحط البيض ع جنب و نسكر المطبقيه

 

About admin

Leave a Reply

Your email address will not be published. Required fields are marked *

*