Sunday, September 24, 2017

طريقة عمل شعيرية بالدجاج بالصور

 

– المقادير :

* للحمسة
دجاجة و نص مسلوقة
4 بصل
3 فلفل
فصين ثوم
كيس صغير او متوسط خضرة مجمده
بقدونس
2 صويا صوص
نص ملفوفه
ملعقتين ( ك ) معجون طماطم ( اختياري )

*بهارات
ملعقة و نص فلفل اسود مطحون ( صغيره )
ملعقة و نص فلفل احمر مطحون ( صغيره )
ملعقتين بهار دجاج ( كبيره )
ملعقة كاري ( كبيره )
ملعقة كركم ( صغيره )

* شعيرية بيضا

– الطريقة

* الحمسه
نحط الزيت و نضيف البصل و الثوم و الفلفل و الخضرا و نحمسها لين ما يصير لون
البصل شفاف 

نضيف الدجاج و البقدونس و نحمسه مع الخضرا و نسكره عشان ياخذ الريحة 

نضيف البهارات و نحمسه و نسكره مده دقيقتين و بعدين نرجع نضيف معجون الطماطم و نحمسه 

نضيف الملفوف فوق الحمسه و نضيف الصويا صوص ( لحد يحط ملح دامه حط ملح لما سلق الدجاج
لان الصويا صوص مالحة ) و نحمسهم كلهم مع بعض و نسكره و نخليه مدة عشر دقايق على ضو هادية

 لما نرجع راح نلقى ان الملفوف ذبل و الحمسة صارت جاهزه

* الشعيريه

نحط قدر و نحط فيه الماي و نضيف الزيت و و نخليه يطبخ و من جهة ثانية نقطع الشعيريه بالسكين نصين ( لكل كيس )
مده سلق الشعيريه من بعد ما تنحط بالماي ما تتجاوز 10 دقايق
و بعدها بتصير لينه لازم تحاسبون .. بعد ما نصفي الشعيريه نحطها بماعون واسع عشان تسهل عملية
الخلط و نبدا نوزع الحمسه عليها .. و بعد ما ننتهي من الخلط نردها بالقدر و نحطها على نار هاديه

و بالعافيه

 

About admin

Leave a Reply

Your email address will not be published. Required fields are marked *

*