Tuesday, September 26, 2017

طريقة عمل ساندويش زنجر بالصور

اول شي جبت كيس فيله حار من منتجات نبيل

و حميت الزيت و قلايتو

بهي الفترة كنت مقشرة بطاطا … و مقطعتها و غاليتها غلوة على النار و بعدين صفيتها
و رشيت ملح و طحين ثم قلايتها بطنجرة زيت تانية

يلا خلينا نبلش بخطوات الساندويش
المقادير :
1- خبز فرنسي
2- جبنة سلايز النوع يلي بتحبيه
3- تيركي من نبيل
4- مايونيز
5- كتشاب
6- خضار يلي بتفضلي بالساندويش
( خس , بندورة ، ملفوف ابيض )

طريقة التحضير :
1- قطعت الخبز الفرنسي و فضيت من حشوه يلي فيه
2- دهنت المايونيز و كاتشب
3- حطيت التيركي
4- بعدين الجبنة
5- كان الدجاج مستوي قطعت كل حبة بالنص و حطيتها بالساندويش
6- بعدين الخس و الملفوف و البندورة
7- شوية مايونيز على الوجه
8- سكرتها و لفتها بقصدير
9- سخنتها بالسب ( التوستر ) مشان تكون الجبنة سايحا
10- حطيتها على السفرة الطعام مع جاط البطاطا

About admin

Leave a Reply

Your email address will not be published. Required fields are marked *

*