Thursday, September 21, 2017

طريقة عمل أكواب الشاورما بالصور

فكرة يديدة للميني ساندويتش ألفتها وحبوها الكل..

الخبز اللي استعملته.. توست رقيّته وقطعته دوائر كبيرة.. غمسته في بيض مخفوق ورتبته في صينية الكب كيك الكبيرة ورشيت فلفل أسود بودرة على كل حبة..

ودخلته الفرن حتى ينضج البيض لكن ما خليته يحمر لانه بينشف وايد

الصوص هو نفسه خلطة المايونيز اللي استعمله للسندويتشات في وصفة ثانية

أقماع التورتيلا بخلطة الدجاج

 

 

نوع الدياي اللي استخدمته هو دجاج كاجُن من أرتيك جولد ويبيعونه فالجمعيات التعاونية وكارفور

طلعي الدياي المجمد قبل بفترة وخلي الثلج يذوب عنه بدون مايكرويف او حمام مائي ساخن.. بتشوفين الدياي صار لين وسخني المقلاة التيفال وحطي شوية زيت وقلبي القطع فيه.. ولا تخلينهم وايد عالنار علشان ما يسود لونهم ويصير ناشف عالاخر..

قطعيه شرايح مثل الشاورما وخليه على طرف..

جهزي ملفوف وخس شرايح رفيعة وخيار مخلل مقطع لمكعبات صغيرة

حضري الأكواب أو الطاسات الصغيرة..

وزعي الخبز في كل كوب..

ضعي مقدار ملعقة صغيرة من الخلطة.. وملعقة كبيرة من الدجاج

نضيف مقدار ملقة من الخلطة (حسب الرغبة) وقطع الخيار المخلل

نضع كمية من الملفوف والخس

اذا زادت كمية من كل شيء غير الخبز..

نخلط ما تبقى من الصلصة مع بعض الملفوف والخس..

وفي الاكواب نضع ملعقة من الملفوف والخس بالصلصة ثم ملعقة من الدجاج

كطبقة ثالثة نضع ملعقة من الملفوف والخس بالصلصة ثم قطع صغيرة من الدجاج وننثر قليل من السماق

وبالعافية

About admin

Leave a Reply

Your email address will not be published. Required fields are marked *

*