Sunday, December 17, 2017

طريقة عمل فطائر القرفه والشيكولاته بالصور

 

المكونات

3 كوب دقيق

3 معالق كبيرة سكر

نص معلقة صغيرة ملح

حوالى كوب ماء او لبن دافئ

بيضة واحدةو رشة فانيليا للعجينة – بيضة مع فانيليا لدهان الوجه

قطعة خميرة فى حجم الليمونه او معلقة كبيرة خميرة

ربع كوب زيت +معلقة كبيرة ممسوحة سمن او زبد

2 معلقة لبن بودرة او 2 معلقة زبادى اختيارى بس وجودها بيعطى طرواة اكتر للعجينة

الحشو

 

 

 زيت او زبدة

 

  قرفة لفطائر القرفة

 

 

 شيكولاته قطع لفطائر الشيكولاتة

 

الطريقة

 

هندوب الاول الخميرة فى شويه ميه من الكوب مع شوية سكر

هنعجن المقادير عادى جدا و تعجنى لمدة 10 او 15 دقيقة و يا ريت

 

 

و انتى بتعجنى متحطيش الميه او اللبن كلها مرة واحدة لان فى انواع دقيق مختلفة

 

فى احتياجها للماءالمهم اننا نحصل على عجينة مطاطية لا تلتصق بالايدى و لا بالاناء

 

و بعدين نسبها تخمر ساعة و بعدين نتبدى نشكلها كالاتى

هتاخدى العجينة و تقسميها الى كور صغيرة

بالشكل ده و بالحجم اللى انتى تفضليه

 

انا قسمت العجين نصفين نص لفطيرة القرفة 

و النصف الاخر لفطائر الشيكولاته

اولا : فطيرة الشيكولاته


زى اما اتفقنا هنكور العجينة و نحط الاول جواها قطعة شيكولاته و نقفل عليها كويس


و بعدين هنجيب قطعة عجينة و هنفردها مستطيل سميك قليلا

 

و نقطع شرائط من العجين طويلة شوية و الى حدا ما متساوية

بعد خلصنا حشو كرات العجين بالشيكولاته

نبتدى نلفى الشريط حواليها بالشكل ده

و نقفلها كويس

 بطريقة شيك و ظريفة

 

و لما اخلصهم و الف كل الكور بالشرايط اسيبهم يرتاحو من ربع لنص ساعة

و بعدين ادهن الوش صفار بيض مع معلقتين لبن و ارش سمسم على الوجه

و ادخلهم فرن ساخن متوسط الحرارة على الرف اللى فى النص و لما يحمر الوجه

 

اخرجها و اغطيها فورا بقماشة او فوطة عشان تفضل طرية

و طبعا اسيبها تبرد شوية

 

 

ثانيا : فطائر القرفة اللذيذة

 انا هنا فردت كور العجين بالشكل ده و رشيت معلقة سكر و رشة قرفة

و بعدين لفتيها رول بالشكل ده

بعد كدا فتحت حرفين الرول و اسيب النص سليم

اخد اول طرف من حرف الرول و الفه لفتين للخلف

و الطرف التانى المقابل له الفه برده لفتين للخلف

 

و بعدين اوصلهم و الزقهم فى بعض كدا

 اعمل نفس الحكاية مع الحرف التانى من الرول

و بعدين اجيب حرفين الرول بعد ما لفيتهم

و خلصتهم الزقهم فى بعض بالشكل ده و يعطينى شكل زى ورق الشجر

و بعدين نرصهم بالشكل اللى يعجبك فى صنية مدهونة

او الافضل على ورق زبدة عشان ماتلزقشى

و تسبيها ترتاح من ربع الى نص ساعة و تدهن

بصفار البيض و اللبن لما تيجى تدخليها

الفرن الساخن على درجة حرارة متوسطة فى الرف

اللى فى النص و لما تستوى و تحمر تغطيها شوية

About admin

Leave a Reply

Your email address will not be published. Required fields are marked *

*