Saturday, November 18, 2017

طريقة عمل فطيرة السكر بالصور

المقادير

3كوب دقيق

3 معالق كبيرة سكر

نص معلقة صغيرة ملح


حوالى كوب ماء او لبن دافئ


بيضة واحدةو رشة فانيليا للعجينة – بيضة مع فانيليا لدهان الوجه


قطعة خميرة فى حجم الليمونهاو معلقة كبيرة خميرة


ربع كوب زيت – معلقة كبيرة ممسوحة سمن او زبد


2 معلقة لبن بودرة او 2 معلقة زبادى اختيارى بس وجودها بيعطى طرواة اكتر للعجينة


الحشو هنا هيكون زيت او زبدة – سكر

 


الطريقة


هندوب الاول الخميرة فى شويه ميه من الكوب مع شوية سكر


هنعجن المقادير عادى جدا و تعجنى لمدة 10 او 15 دقيقة

و يا ريت و انتى بتعجنى متحطيش الميه او اللبن

كلها مرة واحدة لان فى انواع دقيق مختلفة فى احتياجها للماء

 

و بعدين نسبها تخمر ساعة و بعدين نتبدى نشكلها كالاتى

هنا لما خمرت

هنا هنحاول نسويها لسهولة تقسيمها

هتاخدى العجينة و تقسميها الى 8 قطع بالشكل ده

يعنى هنقسم العجينة 2 و بعدين 4 قطع و بعدين 8 قطع و طبعا يكونوا متساويين

هنكورهم عشان يتفردو معانا بسهولة

و هنفرد قطعتين بالشكل ده عشان هنحطهم على بعض

بس الاول لما نفرد قطعة العجين الاولى ندهنها زيت

 

او زبدة سايحة(المتاح عندك)و بعدين ترشى عليها شوية سكر

هنحط قطعة العحين المفرودة التانية عليها و

 

لو لقتيها صغرت افرديها بالنشابة عادى

على القطعة اللى تحتيها لحد ما يكونوا القطعتين سوا واحد

و بعدين ندهن تانى زيت او زبد و نرش سكر و بعدين نلفها رول بالشكل دا

بعد ما ننتهى من العجين كله او ال8 كور اللى عندنا هيكون عندنا فى الاخر 4 رول

نبتدى نقطع طرفى او حرف الرول كدا من الناحيتين و اللى هيعطونا ورديتن بالشكل دا

يعنى هيكون عندنا من 4 رول هيعطينا 8 وردات و

 

هنحطهم بالشكل دا فى الصنية اللى مدهونة

زيت و اللى حروفها عالية زى بتاعة الكيك


وردة فى النص و الباقى حواليها

بعد كدا بقى الرول هنقطعه زى المثلثات بالشكل ده

و نبتدى نرصه فى الصنية حوالين الورد بالشكل ده

نسيبة يرتاح ساعة او ساعة و نص حسب الجو وبعدها ندهنه بيض مع فانيلا

ندخله فرن ساخن يعنى شغال قبلها بعشر دقايق فى الرف اللى فى النص على نار متوسطة

 

او على حسب فرن كل واحدة فينا


و لما تستوى ووشها يحمر نخرجها من الفرن و نغطيها شوية عشان تفضل طرية

 

 

About admin

Leave a Reply

Your email address will not be published. Required fields are marked *

*