Wednesday, September 20, 2017

طريقة عمل معجنات بأشكال مختلفه بالصور

المقادير

3 كوب دقيق

 

3 معالق كبيرة سكر

 

نص معلقة صغيرة ملح

 

حوالى كوب ماء او لبن دافئ

 

بيضة واحدة للعجينة + صفار بيض مع فانيليا لدهان الوجه

 

فانيليا

 

قطعة خميرة فى حجم الليمونه

 

ربع كوب زيت +معلقة كبيرة سمن او زبد

 

2 معلقة لبن بودرة او 2 معلقة زبادى

 

الحشو

عجوة او قرفة او شكولاته او موز او جبن … يعنى اى حاجة موجودة عندك

 

انا هنا سيحت العجوة على النار بمعلقة سمنة مع معلقة قرفة و معلقتين سكر و ربع كوب ماء

 

الطريقة

 

هندوب الاول الخميرة فى شويه ميه من الكوب مع شوية سكر

 

هنعجن المقادير عادى جدا و تعجنى لمدة 10 او 15 دقيقة و يا ريت و

 

انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء

 

 و بعدين نسبها تخمر ساعة و بعدين نتبدى نشكلها و نحشيها و نرصها

 

فى صنية مدهونة و نسيبها ترتاح كمان ساعة و بعدين

نخبزها فى فرن ساخن على نار متوسطة او على حسب فرن كل واحدة فينا

انا هنا عملت اشكال مختلفة غير اللى متعودين عليها …اينعم بتاخد وقت بس النتيجة فى الاخر مبهرة

و عملت الاول نوعين من اشكال السمك

الاول انا هنا رسمت على ورقة رسمة سمكة و فردتها على العجينة و قصتها

 

و طبعا بعمل الجانبين بتوع السمكة و هنحط الحشو بينهم و نقفلها كويس من الحروف

 

و بعدين نديرها على الناحية المتساوية زى كدا

و بعدين هجيب مقص و بحرف المقص ابتدى اقص قشور للسمكة زى

ما انتم شايفين هنا شكل بارز و اعمل لها عين بالزبيب مثلا او عود قرنفل او تنتوفة عجوة

 

و الشكل التانى من السمكة انا بفرد حته العجينة بتاعتى عادى على حسب

 

الحجم اللى انا عايزاه و ابتدى احدد كده بطرف السكين اعلم بس مش اقطع العجينة

 
 

و بعدين اقطع الحروف زى ما انتم شايفين و احط الحشو

 

بس فى الاول هقطع راس السمكة اللى هتكون من الجانبين هتكون حتة اطول

 

من حتة شوية عشان اتنى الحتة الصغيرة الاول و بعدين الحته الكبيرة و

 

اكمل باقى السمكة و بعدين اجى للديل بتاع السمكة

 

و بالسكين اعمل خطوط فى الديل و احط عين السمكة و هتبقى كده

نيجى هنا طبعا للسلحفة و دى سهلة جدا زى ما انتم شايفين و هو الجسم عبارة عن كورة من العجين بها حشوة

و اضفت ليها الارجل الصغيرة و الديل و عملت فى ظهرها علامات بارزة بالسكين

و عملت اشكال تانية زى الرول و حشيته عجوة و قطعته و الضفيرة

و كمان هنا عملت مينى خلية نحل على شكل وردة من لونين

و انتى هنا ممكن تقسمى العجينة لنصين نص ابيض و نص بنى او تاخدى

منها قطعة على قدر احتياجك و تضيفى ليها معلقة كاكاو خام و معلقة كاكاو عادى

بس هتزودى معلقة سكر فى العجينة اللى بكاكاو عشان الكاكاو الخام بيعدب طعم

العجينة شوية و كمان هتضيفى قليل جدا من الماء

او اممكن تعجينى عجينتين يعنى كل عجينة بنص المقدار الاساسى

العجينة الاولى عادى و التانية تنقصى من الدقيق و تحطى بداله كاكاو

About admin

Leave a Reply

Your email address will not be published. Required fields are marked *

*