Sunday, October 22, 2017

طريقة عمل بودنج الشوكولاتة والفانيلا بالصور

هاد البودنج طبقتين
الطبقة الاولى اخدت طريقتها من ام رورو
والطبقة التانية اخدت طريقتها من ام عبود (ام البنات)
الله يجزيهم الخير
انا طبعا مزجت بين الوصفتين والحمد لله لاقت اعجاب كل من داقها
والكل اخد طريقتها مني

الطبقة الاولى
كاستين مي
بيضتين مع فانيلا
كاسة حليب بودرة
نص كاسة سكر
3 ملاعق طحين
كلهم بخلاط العصير
وبعدين عالنار بنحركهم لحتى يجمددو
بنكون حاطين بسكوت انا بحط طبقتين
وعالتلاجة نص ساعة

مقادير الطبقة التانية
كاستين حليب سائل
نص كاسة سكر
3 ملاعق كاكاو سادة
نص كاسة شوكولاتة دارك انا مرات بحط جلاكسي او نوتيلا معلقتين كبار
3 معالق نشا
علبة شوكولاتة دانيت

بنحط الحليب والسكر والنشا والكاكاوعالنار
بس يسخن الحليب بنحط الشوكولاتة
وبس يجمد الخليط بنطفي النار وبنحط علبة الدانيت

بكون حاطة كمان طبقة بسكوت فوق الخليط الابيض
بنص الخليط شوي شوي بالمغرفة
بس يبرد بزينو بجوز هند وبسكوت مطحون واي اشي انتي بتحبيه


في امان الله

About admin

Leave a Reply

Your email address will not be published. Required fields are marked *

*