Sunday, October 22, 2017

طريقة عمل كوبلر الخوخ بالصور

المقادير :

.

للحشوة :

.

٦ حبات خوخ كبيرة مقشرة و مقطعة شرايح عريضة أو ويدجز wedges.

١/٣ كوب سكر بني

ملعقة كبيرة عصير ليمون

ملعقة صغيرة نشا ذرة

رشة ملح

نص ملعقة صغيرة قرفة

ربع ملعقة صغيرة زنجبيل

.

للطبقة العلوية :

.

كوب طحين

نص كوب سكر

ملعقة صغيرة بيكنج باودر

نص ملعقة صغيرة ملح

٣/٤ أصبع زبدة بارد مقطع مكعبات

١/٤ كوب مويه مغليه

.

.

* زي ما شرحت فوق ممكن تستخدمون أي فاكهة هنا.

.

* الخوخ موب شرط يكون مقشر لهذي الوصفة بس أشوف إنه ألذ كذا. طريقة تقشير الفواكه شرحتها في هذا الموضوع.

.

* التعديل اللي كان على الوصفة الأصلية هو إني غيرت السكر الأبيض لبني (طعمه حلو مع الخوخ) وزدت الكمية عشان فرق الحلاوه بينهم وزدت البهارات.

.

الطريقة :

.

نسخن الفرن على ٤٢٥.

.

نقطع الخوخ بعدين نخلطه في صحن خلط مع السكر و الليمون و الملح و النشا و البهارات. نذوق الخليط ونعدل حسب الرغبة بعدين نرص الخيط في صحن بايركس أو سيراميك أو أي صحن ينفع يدخل الفرن (تقدرون تسوونها في صحون السوفليه وتقدمونها بشكل فردي لو تبون).

.

.

.

ندخل الصحن الفرن إلين تلين الفواكه شوي (تقريبا ١٠ دقايق للخوخ) ونبدأ نسوي العجينة في هذي الفترة.

.

ننخل الطحين و السكر و الملح و البيكنج باودر في صحن. نضيف عليهم الزبدة الباردة ونبدأ نفرك الزبدة بالطحين بأطراف أصابعنا إلين يصير شكل الخليط زي الرمل الرطب تقريبا وتختفي قطع الزبدة الكبيرة.

.

هذا المقصود بمرحلة الرمل الرطب

.

بعد ما تلين الفواكه شوي نطلع الصينية من الفرن. نخلط الموية المغليه عالطحين ونحرك بملعقة شوي بس إلين تنخلط (لاتكثرون خلط !) وتعطينا عجينة.

.

.
ناخذ ملاعق كبيرة من العجينة ونوزعها فوق الفواكه في أماكن متفرقة. نخلي بينهم فراغات بسيطة عشان البخار يطلع.

.

.

الحين نرجع الصينية مرة ثانية للفرن إلين تتحمر الطبقة العلوية (بتاخذ تقريبا ٢٠ – ٢٥ دقيقة).

.

.

About admin

Leave a Reply

Your email address will not be published. Required fields are marked *

*