Friday, December 15, 2017

طريقة عمل سباجيتتي كاربونارا بالصور

المقادير :

.

٥ شرايح بيكون مقطعة شرايح بعرض الإبهام تقريبا

فص ثوم مقطع شرايح نحيفة

٢٢٠ جرام سباجيتي

نص كوب جبن بارميجانو ريجانو  Parmigiano Reggiano مبشور ناعم

فلفل أسود

بيضتين مفصولة

شوي بقدونس مفروم

ملعقة كبيرة زيت زيتون

.

* ممكن تبدلون أي شكل ثاني مناسب بدال السباجيتي. .

.

* ممكن تستخدمون باستا طازة هنا ،.

.

* جبن البارمزان ينصنع في كذا مكان بس موب أي نوع يقدر يكتب إنه بارميجانو ريجانو. البارميجانو ريجانو هي أفضل أنواع البارمزان و اللي تجي من مدينة بارما في إيطاليا في مصانع خاصة معتمدة. ممكن تستخدمون أي جبن قاسي ثاني بدال البارمزان. تقدرون تستخدمون بارمزان عادي أو جبن رومانو أو جرانو بادانو بس مافيه شي بيعطي طعم زي البارميجانو ريجانو الأصلية، الفرق جدا كبير. البارميجانو ريجانو متوفرة في السعودية دايما أشتريها من الدانوب ومتأكد أي سوبرماركت يجيب أشياء مستوردة بيبيعها.

.

.

الطريقة :

.

.

نبدأ أول شي بإننا نحط البيكون في مقلة باردة بعدين نحطها على حرارة وسط ونخلي الشحم ينزل منه و البيكون يطبخ فيه إلين يقلب البيكون لون بني غامق. نطفي النار ونحط الثوم ونقلبه في الدهن شوي.

.

.

نسلق الباستا إلين ما تصير ألدينتي زي ما شرحت بالضبط في مواضيع الباستا. نشيل تقريبا ربع كوب من موية سلق الباستا على جنب بعدين نصفي الباستا.

.

نرجع المقلة اللي فيها البيكون عالنار بعدين نحط الباستا و ملعقتين تقريبا من موية السلق ونقلب الباستا في دهن البيكون زين. نخلي الباستا تطبخ في الزيت دقيقة تقريبا ونزيد من موية السلق لو لقينا القدر ناشف مره.

.

نطفي النار ونشيل القدر من النار بعدين نحط ٣/٤ البارمزان و الفلفل الأسود و بياض البيض ونحركهم مع الباستا زين إلين تتغطى الباستا بطبقة خفيفة من الصوص. نحط البقدونس و زيت الزيتون ونحركهم مع الباستا بعدين نقسم الباستا على صحنين.

.

نسوي زي العش فوق ونحط صفار البيض شوي شوي على كل صحن بعدين نزينها بزيادة بارمزان وناكلها علطول.

.

وقت الأكل أكسروا الصفار و أخلطوه مع الباستا زين بعدين كلوها. تقدرون تحطون الصفار مع زيت الزيتون و البقدونس لو ما تبونه باين كذا بس أحسه أحلى بهذي الطريقة.

.

.

About admin

Leave a Reply

Your email address will not be published. Required fields are marked *

*