Tuesday, December 12, 2017

طريقة عمل مطبق الفول بالصور

المقادير :

عجينة مطبق

كوب فول ناشف أو ٣ أكواب فول معلب

حبة بصل مقطعه صغار

٣ حبات بصل أخضر

٤ فصوص ثوم مقطعه صغار

عود فلفل أخضر حار ( إختياري )

ملعقة كبيره معجون طماط

ملعقة ونص كبيرة كمون

ملعقة صغيرة كزبرة

نص ملعقة صغيرة بابريكا ( يفضل مدخنه لو عندكم )

ربع كوب كزبرة مفرومه

٣ حبات طماط مقطعه صغار

بيضتين

كراث حسب الرغبة مقطع صغار

صوص دقوس وصوص طحينه للزينه

الطريقة :

نغسل الفول الجاف بعدين نفرده على صحن ونتأكد إن مافيه أي بقايا حصى أو أغصان. بعد كذا ننقع الفول في مويه باردة كثيره طول الليل.

ثاني يوم نصفي الفول من مويه النقع بعدين نحطه في قدر ونغطيه ب 3 أكواب مويه مع شوي زيت زيتون . نغلي المويه على غليه جدا خفيفه ونخلي الفول يطبخ إلين يصير شبه لين بس شوي قاسي من داخل تقريبا ساعة ، بعدين نحط الملح ( تقريبا نص ملعقة صغيرة ) ونخليه يكمل طبخ إلين يصير لين. هذا الفول الحين مطبوخ جاهز تقدرون تستخدمونه علطول بالضبط زي ما تستخدمون فول العلب أو تقدرون تصفونه بعدين تفرزونه أو تحفظونه في الثلاجه أسبوع تقريبا.

الحين نسخن مقله على حراره هاديه ونطبخ البصل و البصل الأخضر و الثوم و الفلفل الحار مع رشة ملح إلين يذبل تماما ويبدأ ياخذ لون ذهبي خفيف ، تقريبا ربع ساعة. لا ترفعون الحرارة ولا تطبخونه أقل من كذا ، طبخ البصل لهذي الدرجة يعطيه عمق نكهة رهيب مع الفول.

الحين نحط معجون الطماط ونطبخه شوي تقريبا دقيقه بعدين نحط الفول المطبوخ بعد ما نصفيه مع الكمون و الكزبره و البابريكا و الكزبرة المفرومه ونخليهم يطبخون شوي . الحين نطفي النار ونكسر البيضتين عالخليط ونضيف الكراث و الطماط ونذوق الخليط ونعدل البهارات و الملوحة و الحموضه حسب الرغبة.

الحين عشان نحشي الخليط. ناخذ عجينة المطبق اللي سوينا وفردنا ونقص كل شريحة سوينا بالنص بالعرض يعني بيصير عندنا شريحتين أقصر من الأصليه. نحط الشريحتين فوق بعض بحيث يتقاطعون على شكل + ونحط شوي من الحشوة في النص بعدين نقفل عليها من ال ٤ جهات. نقص الزوائد لو كانت موجوده ونحطها عالجنب إلين نطبخ المطبق.

الحين عشان نطبخ المطبق نسخن مقله أو صاج على حرارة وسط مع شوي زيت وبعد ما تحتر نحط المطبق ونطبخه إلين يتحمر الوجه الأول بعدين نقلبه ونطبخ الوجه الثاني إلين يتحمر.

About admin

Leave a Reply

Your email address will not be published. Required fields are marked *

*