Tuesday, November 21, 2017

طريقة عمل بليني مع كافيار بالصور

المقادير :



١/٢ كوب طحين

١/٣ كوب طحين حنطة سوداء buckwheat

٤ ملاعق صغيرة سكر

ملعقة وربع صغيرة خميرة

ربع ملعقة صغيرة ملح

كوب حليب كامل الدسم

٣ ملاعق كبيرة زبدة

بيضتين مخلوطة شوي

الزينة :



ساور كريم

كافيار

شوي أوراق شبت أو كراث


* طحين الحنطة السوداء ممكن يستبدل بطحين الدخن بس الحنطة السوداء طعمها رهيب وبتعطي طعم جدا رهيب مع البليني. الحنطة السوداء متوفرة في السعودية بس ما أعرف وين.

الطريقة :



نخلط الطحين مع الحنطة السوداء و الخميرة و الملح و السكر في صحن خلط.

نقطع الزبدة مكعبات صغيرة ونحطها مع الحليب على حرارة هادية إلين تذوب الزبدة ويصير الحليب دافي بس ما يكون حار تقريبا ١١٠ فهرنهايت لو عندكم ميزان. إذا لمستوا الحليب بيدكم مفروض يكون دافي لدرجة إنكم تقدرون تخلون يدكم في الحليب وقت طويل يعني ما يكون حار مره.

نضيف خليط الحليب و الزبدة على خليط الطحين ونخلط إلين يعطينا خليط ناعم بعدين نغطي الخليط بنايلون ونتركة يتخمر إلين يتضاعف حجمة تقريبا ساعة إلى ساعة ونص.

الحين نحرك الخليط بعدين نضيف البيض ونخلط من جديد إلين يتمازج. عند هذي المرحلة تقدرون تحفظون الخليط لثاني يوم بإنكم تغلفونه بنايلون وتحطونه في الثلاجه.

نسخن الفرن على أبرد حرارة بعدين نسخن مقلة تيفال أو صاج كبير على حرارة وسط. ندهن المقلة بشوي زبدة بعدين نصب ملعقة كبيرة من الخليط ( أو حسب حجم البليني اللي تبون ) كل شوي إلين نغطي المقلة. نطبخ البليني إلين تطلع فقاعات عالوجة بعدين نقلبها شوي شوي ونطبخ الوجه الثاني إلين يتحمر تقريبا ٢ -٣ دقايق. بعد ما تستوي نحط البليني في صحن في الفرن ونغطيه بقصدير مخروم ونعيد نفس العملية إلين نطبخ كل الخليط.

تقدرون تفرزون البليني لو تبون. حطوها على صينية فرن موزعة عن بعض وفرزوها و أول ما تتجمد حطوها كلها في كيس فريزر. إذا جيتوا تسخنونها بعدين أدهنوها بشوي زبدة ودخلوها فرن ٣٥٠ إلين ترجع لينه من جديد.

الحين نركب الكانابيه بإننا نحط شوي ساور كريم بعدين شوي كافيار وبعدين الشبت أو الكراث. طبع هذا واحد بس من إستخدامات البليني يمديكم تحطوون فوقه كذا شي غير هذا ويمديكم بعد تسوونه كبار وتاكلونه زي البانكيك بالضبط.

About admin

Leave a Reply

Your email address will not be published. Required fields are marked *

*