Thursday, November 23, 2017

طريقة عمل الخبز السويدي بالصور

المقادير :

كوب وثلث طحين أسمر أو طحين راي rye

٣/٤ ملعقة صغيرة سكر

رشة ملح

٤ ملاعقة كبيرة زبدة باردة

١/٣ كوب حليب

ملعقة صغيرة بذور كمون أو كاراويه أو سمسم أو أي شي ثاني تحبون

الطريقة :

نحط الطحين و الزبدة و الملح و السكر و الكاراويه في خلاط مولينكس ونخلط كم مره إلين تبدأ الزبدة تدخل في الخليط بس ما نخليها تذوب. لو ما عندكم خلاط تقدرون تفركون الزبدة بالطحين بيدكم. الحين نحط الحليب شوي شوي ونخلط إلين يعطينا عجينة قاسية وناشفة. كمية الحليب اللي حاط ممكن تزيد أو تنقص فأمشوا أحسن بالنظر .

خلوا العجينة ترتاح نص ساعة وهي مغلفة بنايلون بعدين سخنوا الفرن على 350.

الحين أقسموا العجينة نصين بعدين أفردوها بالفرادة حقت العجين لأنحف شي تقدرون عليه بعدين خرموها بشوكة في كذا مكان وحطوها في صينية فرن. دخلوا العجينة الفرن إلين تنشف تماما وتتحمر شوي تقريبا 10 دقايق أو حسب نحف العجينة. أحسن و أسهل طريقة للفرد هي إنكم تستخدمون فرادة باستا إذا كان عندكم، إذا أستخدمتوا مكينة باستا غالبا ما يحتاج تخرمون العجينة.

About admin

Leave a Reply

Your email address will not be published. Required fields are marked *

*