Tuesday, September 19, 2017

طريقة عمل خبز بالشحمة بالصور

المقادير كالتالي والصور توضح الطريقة انشاء الله
شحمة محكوكة في الحكاكة رقيقة نفس المقدار بصلة ونفسه معدنوس يمكن تزيدو كفيتة وزيتون اخضر مقطع …انا مدرتوش واكتافيت غير بالكلسترول ههه عفوا غير بالشحمة ….
عملت شوية زيت العود 2 معالق + فلفة سوداء وملح وكمون وشوية من عطرية الكفتة الا كان ممكن ولهريسة غبرة طبعا باش تجي مولعة …
خلطي كلشي ها هي مقادير ديال 2 خبزات
بالنسبة للعجين نقصتو غير من الخبز لي كنت عاجنة وكان خامر الخمرة الاولى
ضروري تكرصي الخبز رقيق بزاف بالزيت عاد تحطي لعمارة وتستفي عليهم بيض مسلوق وتجمعي العجينة من جناب وتعاودي تكرصيها رقيقة وطيبيها في المقلة الثقيلة ومتنسايش الزيت كل مرة ترشي شوية باش يتحمر وردي بالك راه دغيا يتحمر ..ننقصي شوية العافية ..
هنا فاش عمرتيها حاولي تكرصيها مزيان
سخني المقلة مزيان وصبي شوية زيت
وحطي الخبيزة طيب وقلبيها وسربيها سخونة لمالين الدار مع شي بريريد مشبشب

About admin

Leave a Reply

Your email address will not be published. Required fields are marked *

*