Monday, September 25, 2017

طريقة عمل طاجين اللوبيا خضراء والكرعة صغيرة بالقرفة بالصور

المقادير
لوبيا خضراء حسب الرغبة انا عملت مكاملش كيلو
5 او 6 كرعات خوضر صغار
لحم بقري حسب الحاجة
2 بصلات متوسطين
2 ماطيشات متوسطين
ربطة معدنوس
3 فصوص ثوم
كاس الا ربع زيت رومية مع بلدية
ملح ملعقة صغيرة
ابزار ببع ملعقة
خرقوم ملعقة صغيرة عامرة
سكين جبير ملعقة صغيرة
ملعقة صغيرة قرفة معامراش
الطريقة توضحها الصور انشاء الله
بعد ما نقيو اللوبيا ونقطعوها نحطوها في كوكوت او طاجين مع اللحم والزيت والملح وفصوص الثوم ونخليها تتحمر على نار مهيلة لمدة 10 دقائق وكل مرة نحرك باش اللوبيا تاخد حقها في التشحار غير تبدا تدبال نزيد البصل ثم الطماطم ونحرك ونزيد الماء الكافي والتوابل كاملة وربطة المعدنوس نسد كوكوت ونخليها طيب مدة ساعة الا ربع ونحل عليها ونحط الكرعة مقطعة ونرش عليها شوية قرفة ونراقب الملحة ونشوف واش راوية كفاية نخليها طيب هاد المرة بلا ما نسد كوكوت ..ومرة مرة نراقب البويون باش ما تنشفش لينا المرميطة
نقدموها بالصحة والراحة

About admin

Leave a Reply

Your email address will not be published. Required fields are marked *

*