Friday, September 22, 2017

طريقة عمل حوت بلاصوص بالصور

المقادير

سمك البلوميت مغسول و نقوم بعملية ازالة سلسول او عظم سلسول الظهر

خل

صلصة متكونة من معلقة موتارد -خردل-ومعلقة مايونيز ومعلقة هريسة وشوية الصوجا

حشوة

بصلة مشلظة رقيقة

حبة طماطم مقطعة رقيقة

معدنوس

زيتون مقطع حلقات

فلفلة حمراء او حتى خضراء مقطعة مربعات

تحميرة وكمون وملح وقليل من زيت الزيتون

لا صوص

2ماطيشات

كاس ماء

تحميرة وخرقوم وكمون وقرفة وملعقة كبيرة ماطيشا ديال الحك

زيتون مقطع

الطريقة

ناخد الحوت نفتحه من بطنه ونزيل السلسول ونرشه بالخل ونخليه 5 دقائق …لا داعي للملح حيث الحشوة مالحة

نحط الحشوة داخل ونرصوف في مول يدخل للفران ونرشو بزيت عادية من فوق وندخلو للفران ونشعل الفوق والتحت ونقص العافية 20 دقيقة على ما وجدت لاصوص

ناخدو حبتين طماطم لي في الصورة ممقطعينش ونطحنوهم مع كاس ماء وتحميرة وكمون وخرقوم وشوية قرفة وورقة موسى وماطيشا ديال الحك

نخليها تغلي شوية ونخويها وهي سخونة فوق الحوت ونخلي الكل يتجانس مرة اخرى في الفرن

بلا ما ننسى نطفي الفران الفوق باش ميحمرش الوجه اكثر من اللزوم

الحوت دغيا يطيب وميحتاش ورق الالمنيوم

 

About admin

Leave a Reply

Your email address will not be published. Required fields are marked *

*