Monday, November 20, 2017

طريقة عمل هريسة او صوص حارة بالصور

اخواتي الغاليات اليوم وجدت هاد الصوص وقلت نفيدكم بطريقتي راه كتصلاح بزاف وممكن تزيديها في صوص ديال ماطيشا وحتى في نصيب ديال القطاني وممكن تقدميها مع ليباط او الحوت
كمية من الفلفل الحار للاسف موزنتش الكمية بصح الصورة توضح انشاء الله
3فلفلات حمراوات
5 فصوص ثوم
ملح
نصف ملعقة قصبر مطحون
ربع معلقة كروية
ملعقة صغير خل
ملعقة كبيرة مطيشة ديال الحك
نصف كاس زيت الزيتون
قطعي الفلفل الاحمر وحيدي البدر ديالو
قطعي الفلفل الحار مع البدر ديالو اضيفي الملح والثوم حطي فوق النار حركي حتى يسخن مزيان وسدي كوكوت لمدة 7 دقائق على نار ناقصة
طحني كلشي في مولنكس مع اضافة باقي المقادير ماطيشا والخل والكروية والقصبر يابس وزيت الزيتو ن وحطيهم في كاسرونة وخليهم يتشربو مزيان الماء لي طلق الفلفل واحد 5 حتى 10 دقائق
الكاسرونة لي استعملت ما تلصقش
خليها تبرد وحطي في قرعة ديال الزجاج
انشاء الله تعجبكم وصفتي

ملاحظة استعملي قفازات بلاستيكية فاش تقطعي الحرور والا انتبهي وخا تغسلي يديك سيبقى اثرها على يديك فلا تلمسي وجهك

About admin

Leave a Reply

Your email address will not be published. Required fields are marked *

*