Friday, December 15, 2017

طريقة عمل الميلفوي بالصور

على بركة الله نبدؤ بالعجين 

غ500 دقيق أبيض،م.ك خل،م.ك زيت وبيضة نضربوها ونستعمل نصفها والماء البارد لجمع العجين

للتوراق:

غ375 ماركرين خاصة بالتوراق بونا أو أي مركرين حسب الرغبة

 

 

نخلط العناصر

 

 

 

 ثم نضيف الماء شيئا فشيئا حتى يتجمع لينا والعجين كيكون صلب من الأحسن نكوروه ونتركه يرتاح 15 د 

 

 

من بعد مآرتاح العجين كنفلحوه من فوق على اثنين

 ثم كنجبدو الأطراف الأربعة

 

 

 

 

 ونبسطها أي الجوانب 

 الزبذة نقطعوه أطراف صغيرة نضعها في الوسط

 

 

 ثم نأخذ الطرف الأول ونغطي به الزبدة مثل إلا كنلمطو

 

 

 ثم الطرف المقابل

 

 

 ثم الطرف الثالث ثم الرابع حتى تغطى نهائيا

 

 

كنشدو المدلك ونضرب العجين

 

 

 باش الزبدة تتطلق

 

 

 ثم  نبدؤ التوراق لي غنعمل فيه ثلاث ديال ليتور دوبل والرابعة كتكون عادية يالله تبعو معيا نبداو بدوبل تور الأولى

كنطلقو العجين

 

 ثم نطويه على اثنين

 

 باش نعملو خط في الوسط (مثل إلا كنعلموحد بيه)

 

 

ثم نعيد تسريح العجين ونطوي جهة الطرف الاول ثم نمشي للجهة الأخرى ونطوي الطرف الثاني بدون مايتلقاو الطيات كيبقي فراغ  و كيكون الخط لي عندنا في الوسط

 

هو الحد وهاكا نكونو انتهينا من التور لأولى

 

نعملها في باستيكة ونتركها ترتاح

 

 

نعيد هاد العملية مرتان وفي كل مرة يرتاح العجين وفي التور الأخيرة تجمع عادية

 

 وكيفما كتلاحظو هاهي مورقة

 

 

 نتركها ترتاح ثم نطلق العجين جيدا ونضعه في لاطة 

 

 

ثم نقادو العجين على حسب اللاطة بحيث نزيل الزوائد ونقسمها متساوية

 

 

 ونذخلها لفرن يكون ساخن جدا ونكون أشعلناه من قبل حتى تبان لينا تنفخات

 

 

 نثقلها بلاطة أخرى من فوق 

حتى تنضج وتتحمر من فوق ثم نزيلها

كريم موسلين

ليتر إلا ربع حليب،3 بيضات،غ120بودرة كريم باتسيير،الفاني،غ200سنيدة وغ160 زبدة

 

 

الحليب وسنيدة فوق النار حتى يسخن 

نضرب البيض وبودرة كريم باتسيير جيدا

 

 

ثم نضيف عليها شوية الحليب الساخن نحرك بسرعة

 

 

 ثم نضيف بقية الحليب ونرجع الكل فوق النار

 

 

 غي يعقد ونزيله ونضيف شوية الفاني

 

 

 ونخلط باش يتخلط وفي نفس الوقت نبرده ثم نصبه في شي أنية وندهنوه بشوية زبدة وندخله المجد يبرد تماما ثم نزيله ونضربه بعض لشيئ ونضيف البدة شييئا فشيئا حتى يتجانسو ونحصل على كريمة موسلين

المونطاج:

نضع طبقة العجين المورق ونصب نصفة كمية الكريمة ثم نضع الطبقة الثانية من العجين المورق ولكن هذه المرة مقلوبة بحيث الوجه يكون من تحت ثم بقية الكريمة ثم الطبقة الثالثة مقلوبة هي الأخرى ونبسط عليها باليد ونثقلوها بشي لاطة باش تلصق مع بعضيتها

 ونصب عليها الفوندون(من بعد أذبناه في حمام مريم) ثم نزين  بخطوط الشوكولا ونأخذ الكيغدون ونعمل به خطوط

ثم ندخلها تبرد ونقادوها من الجوانب

 

 ثم تقطع حسب الرغبة

وأرجو أن أكون وفقت في الشرح

About admin

Leave a Reply

Your email address will not be published. Required fields are marked *

*