Friday, September 22, 2017

طريقة عمل صابلي لذيذ وسهل بالشكلاط بالصور

المقادير كما في : 

رابعة الزبدة

2 كؤوس سكر كلاصي

كأس زيت

قشور حامضة

2 بيضات

فانية أو قطرات روح الفاني

1 خمارة الحلوة

الدقيق الكافي

 

طريقة التحضير : 

في قصرية كيفما جرت العادة المغربية، نحك الزبدة مع السكر

كلاصي ونزيد الزيت ثم قشور الحامضة والفانية ثم البيضات ونغربل

الدقيق مع الخمارة ونجمع العجينة نغطيها ببلاستيكة ونخليها ترتاح

غير شوية.

في هاذ الأثناء نكونوا ذوبنا الشكلاط ونصبوا في بلاستيكات خاصة

بطابع الطاجين وندخلها للثلاجة حتى يتماسك الشكلاط.

ونقسم العجين إلى كرتين تغطى ببلاستيكة ثم نبدا ناخذ كل كرة

نسرحها بالمدلك ونقطع بمرشم الطاجين ونصففها في لاطة مدهونة

على ورق الزبدة

وندخلها للفرن حتى طيب ونحاول تبقى بيضا متحمرش، ثم بعدما
تبرد نجيب الشكلاط اللي حضرناه على شكل طاجين ونبدا نلصقوا
بشوية الشكلاط مذوب مع الصابلي اللي طاب وبرد وممكن يبقى
هاكدا أو ندهنوا بالغبرة النحاسية راه تتباع عند العطار فاللون
النحاسي أو اللون الأصفر تيعطي منظر زوين أوحسب اختيارك.

About admin

Leave a Reply

Your email address will not be published. Required fields are marked *

*