Thursday, October 19, 2017

طريقة عمل دجاج بالمطيشة معسلة بالصور

المقادير كما في : 

الدجاج حسب عدد الأفراد مثلا :

2 دجاجات مغسولين ومحكوكين بالملح والحامض ومقطرين من

الماء بعد غسلهم

بصلتين مشلظين

3 فصص كبيرة من الثوم  ممعوس

شوية الملح

شوية الإبزار

شوية سكنجبير

شوية الزعفران الحر والخرقوم

نصف كاس زيت رومية

شوية الربيع مخلط قزبر ومعدنوس

شوية السمن حار

حامضة مصيرة

الطريقة : 
بعد غسل الدجاج جيدا وحكه بالملح والحامض نغسلوه ونخليه يتقطر

من الأحسن حتى الصباح أو إلا كنا باغينوا في نفس النهار غير نخليه

يتقطر مزيان، ونعملوا ليه الشرمولة اللي فيها البصلة مشلظة رقيق

مع العطرية  ونتركوه فيه لمدة معينة كافية حتى يتشرب العطرية

كما نعمل في الدجاج المحمر باش يجي بنين، من بعد نعملوه يتقلى
ثم نضيف ليه الماء الكافي ويترك حتى يطيب مع إ ضافة القشاوش

ويزال من الطنجرة بعدما يطيب، ثم يدهن بشوية السمن مع التحميرة

أو الزبدة مع التحميرة ويدخل الفرن حتى يتحمر من جميع الجوانب

والمرق يبقى حتى يختار ويزين بالمطيشة معسلة اللي هي :

المقادير : 

 

كيلوا مطيشة حمراء

شوية الزيت

شوية القرفة

شوية السنيدة

وشوية الملح

شوية ماء زهر

الطريقة :

نحكوا المطيشة وتزال الزريعة وتخلط في كسرونة على النار مع

الزيت والملح والسنيدة والقرفة وماء زهر ونتركها الطيب مع التحريك

حتى تعقاد وتنشف.

التقديم : 

في طبسيل التقديم نحطوا الدجاج سخون والمرق ديالوا مع

القشيوشات في الجناب ومن فوق يتزين بالمطيشة معسلة

سخونة  ويرش عليه من فوق شوية الأكاجوا

أو اللوز مصلوق مقلي

 أو كاوكاو مصلق مقلي كل واحد وذوقوا ويقدم بالصحة والراحة.

About admin

Leave a Reply

Your email address will not be published. Required fields are marked *

*