Wednesday, September 20, 2017

طريقة عمل بيتزا الكسكاس بالصور

الطريقة

تحضير الصلصة

في طنجرة نحط الماء يغلي ناخذ حبات الطماطم نملها علامة إكس من الاسفل بواسطة السكين ونحطها في الماء المغلي لمدة دقيقة لتسهيل تقشيرها

من بعد نقلي البصل مع سنينات ثوم وشوي زيت نضيف الطماطم ورقة رند الملح فلفل حار او هريسة وكمية قليلة من الفلفل الاسود و ملعقة كبيرة سكر ونخليها حتى تطيب بعد ما نطفي عليها نضيف الزعيترة والاعشاب الخاصة بالبيتزا ونرحيها بالميكسور

الان نقوم بتحضير العجينة

نضع كاس فرينة كاس حليب دافي 5 ملاعق زيت ملعقة كبيرة سكر ملح لي تحب تضيفلها ملعقة كبيرة كريمة فريش و ملعقة كبيرة خميرة الخبزاذا كانت متوفرة ونحرك بالفوي وسنتحصل على عجينة سائلة نغطيها لمدة 10 دقائق

بعدها نضيفلها الفرينة حتى نتحصل على عجينة طرية نغطيها ونخليها تختمر بعد ذلك نقسمها الى عدة كويرات على حسب حجم الكسكاس ونبدأ في تشكيل البيتزا

نقلب الكسكاس ونحطو يسخن على نار هادئة

نبسط العجينة تكون رقيقة

نثقبها بالشوكة ونحطها فوق الكسكاس

اذا ظهرت فوقها الثقوب نهبطها باليد حتى لا تحترق كي نقلبها

غير تتحمر شوي من الاسفل نقلبها

 

 

حذاري

راهي تتحمر بسرعة

نضع فوقها كمية من صلصة الطماطم ثم نضع الجبن و التونة كل اخت والشيء المتوفر عندها

 

لازم نعسها راهي تطيب بسرعة

وتمتعوا باروع بيتزا على الاطلاق

شوفو شحال رقيقة ومقرمشة اممممم رووووعة

ان شاء الله تعجبكم و تجربوها في امان الله

About admin

Leave a Reply

Your email address will not be published. Required fields are marked *

*