Sunday, October 22, 2017

طريقة عمل السوفلي التركي بالصور

المقادير:

بالنسبة للعجينة نحتاج الى

500غ فرينة
م ك خميرة الخبز
لبن لجمع العجينة
ملح

الحشو:

لحم مفروم
بصل مقطع صغير

معدنوس
فرماج شيدار اواي نوع تفضليه
ملح
فلفل اسود
كمون
كمية من الطماطم المصبرة
زيتون اخضر مقطع اختياري

الطريقة:

اولا نقوم بتحضير العجينة

بالنسبة للبن استخدمت اللبن نتاع القارورة هاااايل

نخلط مقادير العجينة ونجمعها باللبن يكون دافي حتى نتحصل على عجينة طرية نغطيها ونخليها تختمر

في هذا الوقت نحضر الحشو

نحط كمية من الزيت في المقلة نضيف البصل حتى يذبل نضيف اللحم والبهارات وشوية من الطماطم المصبرة ونضيف حوالي فنجال ماء يعني كمية قليلة ونخلي الحشو يطيب حتى ينشف نضيف المعدنوس و نطفي عليه ونخليه يبرد

في هذا الوقت تكون العجينة اختمرت نقسمها الى 10كويرات ولي تحب حجم صغير ممكن تعمل اكثر
تدهن الكويرات بالزيت وتحطهم في صنية مدهونة بالزيت كما نعمل المحاجب

نبدا في بسط الكويرة الاولى

نحط كمية من الحشو ونزيد كمية من الفرماج

نغلق السوفلي ونضغط على الاطراف حتى لا يخرج الحشو

نحطها في الصينية ونكمل نحضر باقي الحبات
بعد مانكمل كل الكويرات نسخن مقلة مدهونة بكمية قليلة من الزيت حتى لا يلتصق او نستعمل طاجين الشخشوخة ونطيبه على نار متوسطة من الجهتين و يقدم ساخن

About admin

Leave a Reply

Your email address will not be published. Required fields are marked *

*