Sunday, October 22, 2017

طريقة عمل بيسكوي رولي بالصور

المقادير
4بيضات
100غ سكر
75غ فرينة
25غ نشاء
م ص فاني
م ص خميرة كيميائية
الكريم باتسيير:
ل800غ من الكريم باتسيير نحتاج
500مل حليب
100غ سكر
50غ نشا
3صفار بيض
50غ زبدة
فاني
الكريم شانتيي:
100غ كريم شانتيي غبرة
200مل حليب باااااارد
2 م ك سكر رطب
نحتاج ايضا
الى كمية من العجينة المورقة وممكن نستبدلها برقائق اللوز المحمصة
حبات فراز
الطريقة:
اولا نحضر كريم باتسيير:
نحط الحليب مع السكر فوق النار ونتركه يسخن
من جهة نحرك صفار البيض والفاني والنشا بالفووي نحط على الخليط كمية من الحليب الساخن ونحرك ونصب الخليط على باقي الحليب ونحرك حتى تعقد ننزعها من النار ونضيفلها50غ زبدة نحرك ونغطيها ونخليها تبرد

نبدأ في تحضير البيسكوي
اولا نشعل الفرن على 180درجة
نفصل البياض على الصفار
نطلع البياض مع رشة ملح كالثلج ونخليه جانبا
نخلط صفار البيض مع السكر والفاني حتى يبياض الخليط نضيف الفرينة والنشاء والخميرة لي نكونو غربلناهم مرتين ونحرك ثم نضيف بياض البيض ونحرك بالعقل من فوق لتحت
نفرش بلاطو بورق الزبدة ونحط الخليط انا استعملت بلطو بقياس27على30سم
ندخلة للفرن لمدة10د لا اكثر لان اذا تحمر من الاسفل بزاف كي تجي تروليه يتقطع

بعد ما نحطو يطيب نحضر سربيتة تكون نظيفة ومشمخة شوية نحطها ونحط فوقها ورق الزبدة
بعد مايطيب البيسكوي ونقلبه فوقهم وننزع ورق الزبدة لي كنا طيبناه فوقو

ونروليه وهو سخون كيما تلاحظو انا روليتو بالعرض لي حابة الحبة تجيها صغيرة تروليه بالطول

نغطيه بورق الزبدة والسربيتة ونخليه لمدة10د

بعدها نفتح ونحط داخله كمية من الكريم باتسيير

ونسطها على سطح البيسكوي ونعاود نروليه

في هذا الوقت نحضر كريم شانتيي
نخلط المقادير السابقة مع بعض ونطلعها بالباتور حتى نتحصل على كريمة
نغطي بها كامل البيسكوي رولي ونغطي الكريمة بالعجينة المورقة لي نكون بسطتها وطيبتها في الفرن حتى تتحمر من بعد نفتتها ونزين بها

نقطع البيسكوي رولي الى دوائر بسمك 2 ونصف سم

ندهن من فوق كل حبة بشوية كريم شانتيي ونحط حبة فراز في المنتصف ونزين الجوانب بالكريمة وهذا شكله النهائي

About admin

Leave a Reply

Your email address will not be published. Required fields are marked *

*