Saturday, December 16, 2017

طريقة عمل حلوى المناديل بالصور

المقادير:الكيلة المستخدمة كاس
3كيلات فرينة
كيلة نشاء
بيضة
نصف كيلة سمن ذايب وبارد
رشة ملح
ماء وماء الزهر
الحشو:
3 كيلات لوز مرحي+كيلة ناقصة سكر +م ص فاني+ 3 م ك سمن ذايب+ماء الزهر
الطريقة:
نخلط الفرينة مع النشا والملح ونضيف السمن ونحرك بواسطة اليد جيدا ثم نضيف حبة البيض ونحرك من الافضل هنا نفوت الخليط في السيار باه نضمن ان ما يبقاوش كتل في العجينة ونلم العجينة بالماء وماء الزهر لازم تبقى متماسكة نشكلها كويرات نغطيها ونخليها ترتاح

ناخذ كويرة نرش شوية نشاء فوق طاولة العمل و نبسطها شوية بالحلال

بعد ذلك نفوتها في الماشينة حتى الرقم الاخير يعني لازم تكون رقيقة

ندهنها بالبانسو من فوق بسمن ذايب ونعاود نحل كويرة كيما عملنا المرة الاولى وندهنها من فوق وهكذا نكرر العملية ست مرات يعني راح نحتاج لست كويرات ودايما ندهن بين الطبقات ماعدا الطبقة الاخيرة ما ندهنهاش
هنا كي حطيت الطبقة الثانية ونكمل

بعد مانكمل 6 طبقات ناخذ طابع مربع7على 7سم واذا ماكانش نستعمل ورق مقوى نقطع مربع7على 7
نقطع مربعات

نسيت نقولكم كي تحلو العجينة حاولو تخلوها عريضة بحجم الماشية باه تقدرو تقطعو زوج مربعات في العرض هكذا راح يجيوكم نفس الحجم وما يبقاوش لي شيت
في هذا الوقت نحضر الحشو بخلط المقاديرالسابقة مانكثروش ماء الزهر لازم الحشو يكون متناثر

ناخذ مربع وندهنو في المنتصف بشوية سمن ونحط حربوش صغير من الحشو في المنتصف

ونغلق المربع ونضغط شوية منين غلقناه كما في الصورة

نحط الحلوى في البلاطو بهذا الشكل

نذوب السمن ونصب من فوقها كي شغل راح نقليوها في الفرن هههه

ندخلها لفرن مسخن على200درجة كي تطيب من تحت نشعلو عليها من فوق حتى تاخذ لون ذهبي

من بعد ماتطيب نحطها في بلاطو اخر ونتخلصو من السمن الزائد ونعاود ندخلها للفرن5د وهذا شكلها بعد ماتطيب

نعسلها بعسل يكون مخفف بشوية ماء الزهر لازم يكون ثقيل شوية باه تبقى مقرمشة نزينها بالبيستاش ونقدمها مع التاي اممممممم
وهذا شكلها النهائي

About admin

Leave a Reply

Your email address will not be published. Required fields are marked *

*