Monday, December 18, 2017

طريقة عمل كيكات مادلين بالبرتقال والعسل والزبدة البنية بالصور

كيكات مادلين بالبرتقال والعسل والزبدة البنية

المقادير:

75 غرام زبدة

110 غرام دقيق أبيض متعدد الاستعمالات أو ثلاثة أرباع كوب

ملعقة صغيرة بيكنق باودر

نصف ملعقة صغيرة ملح

بيضتين، درجة حرارة الغرفة

نصف كوب سكر أبيض

ملعقة صغيرة مستخلص الفانيلا

ملعقتين كبيرة عسل

بشر برتقالة وحدة

ملعقة ونص كبيرة من عصير البرتقال

الطريقة:

أول شيء تنطبخ الزبدة عشان يمديها تبرد شوي.. تنحط الزبدة في قدر صغير على نار متوسطة لين ما تبدأ تذوب، بعدها رح يطلع فيها زي الرغوة وبتروح تدريجياً.. حركوا القدر لين ما تشوفون في قاع القدر نقط بنية كثيرة، بعدها شيلوها من النار وخلوها تبرد. الخطوات مصوّرة فوق.

في وعاء صغير انخلوا الدقيق مع الملح والبيكنق باودر، وفي وعاء ثاني أكبر اخفقوا البيض مع الفانيلا وبشر البرتقال والسكر لين ما يصير الخليط فاتح وخفيف. بعدها أضيفوا خليط الدقيق وحركوه بملعقة خشبية لين ما ينمزج، وبعدها الزبدة البنية والعسل وعصير البرتقال واخلطوه سوا. غطوا خليط الكيكة ببلاستك ودخلوه الثلاجة لمدة ساعتين أو ثلاث على الأقل.

لما يجهز خليط الكيك، حموا الفرن على 200 درجة مئوية وادهنوا صينية المادلين زين مرة عشان ما يلصقون، ممكن تغطونها بالطحين بعد عشان أضمن إنها تطلع. بعدها حطوا في كل قالب حول ملعقة كبيرة من الخليط أو لين ما يصير ممتلي ثلاثة أرباعه عشانها رح تنتفش في الفرن. دخلوها في الفرن 10 دقايق أو لين ما تستوي ويصير قمتها إذا ضغطتوها بشويش ترجع. طلعوها من الفرن، اقلبوها، ورشوها بسكر مطحون…

About admin

Leave a Reply

Your email address will not be published. Required fields are marked *

*