Saturday, November 18, 2017

طريقة عمل بسكوت بالزنجبيل بالصور

المقادير:

ثلاثة أرباع كوب دقيق أبيض متعدد الاستعمالات أو 100 غرام

نصف ملعقة صغيرة بيكربونات الصوديوم

ملعقة صغيرة بيكنق باودر

بشر ليمونة وحدة

ربع ملعقة صغيرة جوزة الطيب مطحونة

نصف ملعقة صغيرة قرفة مطحونة

نصف ملعقة صغيرة زنجبيل مطحون

50 غرام زبدة باردة، مقطعة لمكعبات

40 غرام سكر ناعم (أقل من ربع كوب بشوي)

ملعقتين كبار شراب ذهبي golden syrup

الطريقة:

انخلوا الدقيق والبيكنق باودر والبيكربونات مع بعض، وأضيفوا عليهم البهارات وبشر الليمون واخلطوا لين ما ينمزج.

أضيفوا الزبدة على خليط الطحين وافركوا بأصابعكم لين ما يصير الدقيق كأنه بقسماط خشن. ممكن تستخدمون شوكتين بدل أصابعكم أو محضرة الطعام حتى، بس الكمية شوية وما تستاهل.

بعدها اخلطوا السكر معاه، وآخر شيء أضيفوا الشراب الذهبي وامزجوه لين ما يصير عندكم الخليط متماسك، عادي لو يتفتت شوي.

شكلوه على شكل أسطوانه وغطوه ببلاستك وحطوه في الفريزر لمدة عشر دقايق على الأقل، طبعاً ممكن تفرزنونه لمدة أسبوع بدون أي مشكلة في هالخطوة.

سخنوا الفرن على 180 مئوية قبل ما تخبزون البسكوت بمدة 15 دقيقة على الأقل!

طلعوا العجينة من الفريزر، وقطعوها لـ 12 قطعة متساوية.

كوّروا كل قطعة وحطوها على صينية مدهونة خفيف، وخلوها متباعدة شوي.

دخلوها الفرن واخبزوها لمدة 8-10 دقايق أو لين ما يصير شكلها ذهبي ويتشقق أعلى البسكوت.

بعد كذا طلعوها وحطوها على شبك لين ما تبرد…

استمتعوا وبالهنا والعافية

About admin

Leave a Reply

Your email address will not be published. Required fields are marked *

*