Wednesday, September 20, 2017

طريقة عمل كوكيز بقطع الشوكولاته

كوكيز بقطع الشوكولاته


وصفة جاك توريس

المقادير:

كوبين إلا ملعقتين كبار (240 غرام) دقيق الكيك (دقيق عادي مخصص للكيك والحلويات وليس خليط كيك)
1 وثلثين كوب (240 غرام) دقيق الخبز
1 وربع ملعقة صغيرة من بيكربونات الصوديوم
1 ونص ملعقة صغيرة بيكنق باودر
1 ونص ملعقة صغيرة ملح خشن، أو 1 ملعقة صغيرة ملح عادي
اصبعين ونص زبدة، درجة حرارة الغرفة
1 وربع كوب (283 غرام) سكر بني
1 كوب وملعقتين كبار (226 غرام) سكر أبيض
بيضتين
ملعقتين صغار فانيلا
560 غرام أقراص شوكولاته (إذا قدرتوا تلقونها)، أو حبيبات شوكولاته عادية، يفضل bittersweet

الطريقة:

– انخلوا النوعين من الدقيق، وبيكربونات الصوديوم، والبيكنق باودر، والملح سوا، خلوهم على جنب.
– اخفقوا الزبدة مع السكر (الأبيض والبني) لمدة خمس دقايق تقريباً لين ما يطلع معاكم مزيج كريمي وخفيف، وفي هالخطوة تستخدمون سرعة عالية. يضاف له البيض تدريجياً وبعده الفانيلا. بعدها خففوا السرعة وأضيفوا المكونات الجافة لين ما تنمزج، لمدة عشر ثواني تقريباً. وبعدين أضيفوا الشوكولاته.
– خطوة مهمة مرة: حطوا هالخليط في الثلاجة لمدة يوم ونص تقريباً، شكلوه لكور قبل وغطوها بالسلوفان عشان يسهل عليكم.
– بعد ما تمر هالفترة، سخنوا الفرن لـ 180 مئوية  وحطوا ورق زبدة على صينية فرن وصفوا الكوكيز متباعدة شوي عشانها بتسيل. اخبزوها لفترة ما بين 15 دقيقة و 20 دقيقة. أنا صراحة أطلعها أول ما يجف سطحها ولينة مرة ما تنلمس لأني لو طلعتها بعد بتصير يابسة مرة. لما تطلعونها خلوها خمس دقايق على الصينية قبل ما تنقلونها للعلبة اللي بتحطونها فيه.

About admin

Leave a Reply

Your email address will not be published. Required fields are marked *

*