Tuesday, December 12, 2017

طريقة عمل التشوكلت فوندنت بالصور

 التشوكلت فوندنت

المقادير:

لتجهيز القوالب:
25 غرام زبدة
بودرة كاكاو

لتحضير الكيك:
100 غرام شوكولاته دارك (وش يسمونها؟ غامقة؟
)
نصف كوب سكر
100 غرام زبدة (إصبع)
2 بيض
2 صفار بيض
كوب إلا شوي طحين

الطريقة:

أحسن طريقة لدهن القوالب هي اللي بأشرحها ألحين. أتحداكم تلزق الكيكة فيها.
أول شيء تأخذون الزبدة المذوبة وفرشة، وتدهنون فيها القوالب (القاع والجوانب طبعاً)، بعدين تحطونها في الفريزر لمدة 10 دقايق. طلعوها وادهنوها مرة ثانية بالزبدة الذايبة وخذوا كل قالب من هالقوالب وحطوا فيها ملعقة صغيرة بودرة كاكاو، وحركوها لين تغطون كل القالب بالبودرة، ورجعوا الزيادة في العلبة. سووا كذا بكل القوالب.

الآن نبدأ نسوي الخليط!
أول شيء تذوبون الزبدة والشوكولاته في المايكرويف أو في حمام مائي. خلوه يبرد لمدة عشر دقايق قبل لا تستخدمونه في الخطوة الجاية.
في زبدية ثانية اخلطوا السكر مع البيضتين وصفار البيضتين لين يصير هالخليط لونه أصفر باهت (فيه صورة فوق توّضح هالشيء.) انخلوا الدقيق عليه واخلطوا. وبعدين أضيفوا الشوكولاته المذوبة تدريجياً له واخلطوا لين يتجانس كل شيء.
صبوا الخليط هذا في القوالب اللي حضرتوها وحطوها بالثلاجة لمدة 20 دقيقة على الأقل.
طلعوها واخبزوها في فرن مجهز ومحمى على 180 درجة مئوية لمدة 9-12 دقايق، أو لين تبدأ أطراف الكيك تبعد عن القوالب وتحسونها ودها تنقز. طلعوها وخلوها تبرد لمدة دقيقة أو دقيقتين قبل ما تقلبونها وتقدمونها مع الآيس كريم وصلصة التوت.  (فيه أحد مثلي يحس كلمة صلصة ما تناسب لشيء حالي؟)

 

About admin

Leave a Reply

Your email address will not be published. Required fields are marked *

*