Tuesday, September 26, 2017

طريقة عمل مكرونة العائله بالبينك صوص بالصور

مكرونة العائله بالبينك صوص

المقادير :

كيس مكرونه

صدور دجاج

علبة فطر

حبتين فلفل رومي

بصله كبيره

مقادير صلصة البشاميل :

ملعقتين سمنه

ملعقتين طحين

لتر حليب تقريبا

نص علبة كريمه الحجم الوسط وليس الكبير ولا
الصغير

ملح + فلفل اسود+ مكعب ماجي

مقادير الصلصه الحمراء :

علبة صلصه

ماء لتذويب الصلصه

الطريقه :

نسلق المكرونه سلقه كامله

نقطع بصله الى مربعات ثم نشوحها بالزيت لحد
ماتذبل ثم نضيف اليها صدور دجاج مقطعه مربعات صغيره ونحركهم سوا ونستنى شويه لحد مايستوي
الدجاج ثم نضيف الفطر والفلفل الرومي

ونحركهم عدل مدل ثم البهارات والملح ونطفي
النار

الحين نسوي صلصة البشاميل :

نسخن ملعقتين زيت عالنار ثم نضيف الطحين ونحرك
بسرعه ثم الحليب بالتدريج مع التحريك المستمر لحد مايثقل الصوص واذا ثقل نضيف الكريمه
و نبدا نملح ونبهر

نخلط مقادير الصلصه الحمراء مع بعض عالنار
لحد ماتغلي

نصفي المكرونه من الماء ثم نضيفلها الصلصه
الحمراء ونحرك كويس ثم نضيف خلطة الدجاج على المكرونه ونحرك الين يختلطو زين ثم صلصة
البشاميل ونحرك كويس وراح تلاحظو اللون صار بينك او وردي ثم  نصب المكرونه كلها بصينيه ونصب باقي الكريمه على
الوجه

ونرش موزاريلا وندخلها الفرن من تحت 10 دقائق
ثم نحمرها وتقدم

صحتين يارب

نسلق المكرونه

نسوي خلطة البشاميل

بعد مايثقل صوص البشاميل نضيف الكريمه

نعمل الحشوه وشرحت الطريقه فوق

نغلي معجون الطماطم مع الماء على النار

نضيف الصلصه المغليه للمكرونه

نضيف الحشوه للمكرونه

نحركهم مع بعض الين يختلطو سوا

نضيف صلصة البشاميل للمكرونه والحشوه

نخلطهم سوا ولاحظو اللون صار وردي رائع

نصب المكرونه بالصينيه

نصب باقي الكريمه على المكرونه

نرش بقسماط او موزاريلا صراحه ماكان عندي
موزاريلا

ندخلها الفرن من تحت 10 دقايق ثم نحمرها وتقدم
لذيذه جدا جدا

 

About admin

Leave a Reply

Your email address will not be published. Required fields are marked *

*