Monday, March 27, 2017

طريقه عمل سمبوسه البف بالصور

المقادير //

طبعا هذا المقدار الأساسي وهو مقدار صغير يكفي تقريبا لشخصين او ثلاثة..

وانتي عاد ضاعفي الكمية حسب ما يناسبك ..

كوب دقيق

ملعقة نشا ذرة

ملاحظة ::
ممكن تقسمين المقدار بين النشا و الكاسترد يعطيها طعم ولون روعه ..

بس انتبهي عاد لا تكثرين الكاسترد وتصير صفرراااااااء ..

يعني بمقدار ربع كاسترد وثلاثة ارباع نشا جدااااا معقول .. او انتيوذوقك ورغبتك …

ملعقتين زيت فققققط << لاتكثرين لأنها باقي بتنقلي وما نبيكميات زيت كبيره

ذررررره بسييييطه باكينج باودر

ذررررره بسيييييطه خميره فورية

طبعا لاحظي الكمية الي حطيناها بسيييطه جدا لأن العجينة زيماقلنا بف يعني ما تحتاج تخمير

ووظيفة الخميرة والباكينج بودر هنا هي انها تعطي العجينة قرمشة حلوه وتطلع فيها فقاعات جميلة ..

ماء حسب الحاجة

<< أنا احتجت اقل من نصف الكوب تقريبا وهذا يعتمد على نوعالدقيق عندك ..

وطبعا اكييييييد ملح لو كان الدقيق غير مملح …

الطريقة //

اول شيء اخلطي المقادير الجافة مع بعض

ثم اضيفي الزيت وافركيه بالمقادير مضبوط
ثم ابدأي أضيفي المويه شوي شوي الين تحصلين على عجينه متماسكة مايلة للقساوه شوي خصوصا اذا بتفردينها في الفرادة ..
الحين غطي على العجينة وروحي شيلي الاغراض الي استخدمتيها ورتبي المكان شوي وخلي العجينة ترتاح يعني تقريبا دقيقتين كذا ..
بعدين ارجعي اعجنيها زين ما زين الين تحصلين على عجينة ملساء حلوه
<< وهذا طبعا سر نجاح أي عجينة تسوينها والمفروض هذي تصير عادة لك مع كل العجائن ..
بعدين غطيها واتركيها ترتاح وتسترخي طبعا هي مو محتاجه تخمير مجرد راحة عشان تنفرد زين
يعني تقريبا من ربع الى نص ساعة حسب الجو عندك ..
الحين هذا شكل العجينة بعد ما ارتاحت واسترخت
بالاول حطيتها دبل بس اضطريت ازيد الكميه وسويت عجينه ثانيه دبل كمان بعدين جمعتها ..
يعني لا تفكرون انها يوم كبرت اختمرت .. لا انا مضاعفة الكمية ..
نبدأ نقسم العجينة الى اقراص صغيرة ونحاول نخليها تكون شوي مستطيلةعشان تسهل في الفرد
وبعدين اجمعيها وغطي عليها
ثم ابدأي جهزي الاغراض وسخني الزيت وجهزي الحافظة اللي بتحطينها فيها
<< او ممكن تسوين هالخطوه وقت ما تسترخي .. براحتك بس اقولك افكار كيف ممكن تستغلين كل دقيقة في وقتك
وهذي هي الحشوة جاهزه ..
ثم نفردها في الفراده
تتثبت على أي سطح .. انا هنا مثبتتها على الطاولة ..
بعدين نبدأ نقصها ونحطها على قالب التشكيل
ونحشاها .. ثم نقفلها
الحين خلصتي كذا حبة سمبوسة روحي حطيها في القلاية تنقلي وكملي شغلكعادي ..
وراح اقول لك طريقة سهللله في القلي ومريحه وتخلي السمبوسةرهيييييييييبه ونفس اللون من الجهتين ..
<< طبعا انا ما افضل اللي يجمعونها كلها بعدين يقلونها احسهاتخترب وتتفتح .. مجرد رأي ولك حرية الاختيار ..
الحين بأقولكم عن الطريقة ..
الطريقة ممكن تكون غريبة شوي لكن انتوا جربوها واحكموا بأنفسكم ..
طبعا هذي الطريقة معتمدتها امي من اكثر من 10 سنوات وكل من شافسمبوستنا يسألنا عن طريقة القلي
الطريقه هي ::
شيلي شبك القلاية وحطي دفعة سمبوسه وانتظريها تطلع على سطح الزيت عشان تتأكدين انهاماتكون متراكبة على بعض ..
م رجعي الشبك فوقها << ايه فوقها لاتستغربون وهذا هو السر ..
طبعا لو خليتي الشبك كذا راحيرتفع مع السمبوسه ولا كأنك سويتي شيء !!!
عشان كذا حطي عليه أي ثقل بسيط يمسكه

خليها تقلي وروحي كملي كم حبة سمبوسة وكل شوي طلي عليها انتبهي لاتحترق بس تتحمر وتاخذ لون ذهبي حلو طلعيها وصفيها من الزيت ..

طبعا زوائد العجين اجمعي حق دفعة او دفعتين ولميها مع بعض ( تجميع وليس عجن ) ثم اتركيها ترتاح وارجعي اشتغلي فيها .. وهكذا الين تنتهين ..

وهذي اول دفعة ..
.
.

ويقدم

 

About admin

Leave a Reply

Your email address will not be published. Required fields are marked *

*