Sunday, September 24, 2017

طريقه عمل معجنات بالحشوه البيضاء (الجبن) بالصور

المكونات للعجينة: 2 كيلو دقيق نصف كيلو زبدة طرية 2 ملعقة كبيرة بيكنج بودر ماء للعجن للحشو:  جبنة رومى جبنة موزاريللا جبنة كيرى جبنة بيضاء مالحة او حسب الرغبة ولدهان الوجه هنحتاج بيضة مخفوقة وفلفل اسود الطريقة: هنجهز ادوات تقطيع العجينة وتشكيلها

 

وفى اناء هنحط الدقيق والبيكنج بودر والزبدة

ونفرك الخليط ده كويس بايدينا او فى العجانة لغاية الزبدة ماتدخل فى كل كمية الدقيق

ونضيفلهم ماء العجن بالتدريج

لغاية ماالعجينة تبقى حته واحدة وهتكون طرية وناعمة

ومش محتاجين نسيب العجينة دى ترتاح او تختمر هنشتغل بيها ع طول هنبدأ نفردها عشان نشكلها

هعمل حشوة الجبنة البيضاء وحبيت اعملها ع شكل كورن هنفرد العجينة ونقطعها شرايط رفيعة

ونجهز الاقماع الاستلس اللى هنلف عليها العجينة

وهناخد اى شريط عجينة من اللى قطعناهم ونبدأ نلفه على القمع الاستلس

وهنعمل حشوة الجبنة الكيرى هنفرد العجينة ونحط على جزء منها الجبنة الكيرى

ونطوى الجزء الفاضى على اللى فيه الحشو

ونفردها بالنشابة ونقطعها شرايط

ونقسم الشرايط دى بالنص

ونلفها مرة او مرتين

وهعمل حشوة الجبنة الموزاريللا بشكل مختلف زى ماهتشوفوا معايا

واخر حاجة حشوة الجبنة الرومى هنفرد العجينة على شكل مربع وهنحط عليها الجبنة الرومى المبشورة

وهنلفها على شكل رول

وهنقسم الرول ده بالطول من النص

ونظفره

وندوره

بعد ماخلصنا تشكيل العجينة هندخلها فرن متوسط الحرارة ومسخن مسبقا لغاية ماتستوى ووشها يحمر وعارفة ان الكل هيسئلنى هى العجينة دى مفيهاش خميرة؟ايوة عجينة الفطير السويدى بالبيكنج بودر ومفيهاش خميرة وطعمها غنى جدا لانها بالزبدة بس انتوا تقدروا تعملوا نفس الحشوات والاشكال بعجينة العشر دقايق بس بالنسبالى العجينة دى طعمها احلى بكتير من العشر دقايق وبالنسبة للحشوات حسب رغبتكم تقدروا تستبدلوهم باللى انتوا عايزينه وانا محددتش كميات الحشوات لأن ده بردو حسب رغبتكم وده الشكل النهائى للفطاير بعد ماطلعت من الفرن

About admin

Leave a Reply

Your email address will not be published. Required fields are marked *

*