Friday, September 22, 2017

طريقه عمل فطيره السكر بالصور

مقاديرنا هى ...
3 كوب دقيق
3 معالق كبيرة سكر
نص معلقة صغيرة ملح
حوالى كوب ماء او لبن دافئ
بيضة واحدةو رشة فانيليا للعجينة +بيضة مع فانيليا لدهان الوجه
قطعة خميرة فى حجم الليمونهاو معلقة كبيرة خميرة
ربع كوب زيت +معلقة كبيرة ممسوحة سمن او زبد
2 معلقة لبن بودرة او 2 معلقة زبادى (اختيرى بس وجودها بيعطى طرواة اكتر للعجينة)
الحشو (هنا هيكون زيت او زبدة + سكر )
الطريقة
*هندوب الاول الخميرة فى شويه ميه من الكوب مع شوية سكر
*هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء
* و بعدين نسبها تخمر ساعة و بعدين نتبدى نشكلها كالاتى …..

وبعد ماخمرت

نقسمها اربع اقسام

 

يعنى هنقسم العجينة 2 و بعدين 4 قطع و بعدين 8 قطع و طبعا يكونوا متساويين

 

نكورهم

نفردهم

..بس الاول لما نفرد قطعة العجين الاولى ندهنها زيت او زبدة سايحة(المتاح عندك)و بعدين ترشى عليها شوية سكر …

 

.و هنحط قطعة العحين المفرودة التانية عليها و لو لقتيها صغرت افرديها بالنشابة عادى على القطعة اللى تحتيها لحد ما يكونوا القطعتين سوا وااااحد

 

 

و بعدين ندهن تانى زيت او زبد و نرش سكر و بعدين نلفها روووووول بالشكل دا


** بعد ما ننتهى من العجين كله او ال8 كور اللى عندنا هيكون عندنا فى الاخر 4 رول

نبتدى نقطع طرفى او حرف الرول كدا من الناحيتين و اللى هيعطونا ورديتن بالشكل دا


** و بعد كدا بقى الرول هنقطعه زى المثلثات بالشكل ده و نبتدى نرصه فى الصنية حوالين الورد بالشكل ده

و نسيبة يرتاح ساعة او ساعة و نص حسب الجو وبعدها ندهنه بيض مع فانيلا

 

 

 


و ندخله فرن ساخن يعنى شغال قبلها بعش دقايق فى الرف اللى فى النص على نار متوسطة
..او على حسب فرن كل واحدة فينا
و لما تستوى ووشها يحمر نخرجها من الفرن و نغطيها شوية عشان نفضل طرية

 

About admin

Leave a Reply

Your email address will not be published. Required fields are marked *

*