Thursday, September 21, 2017

طريقه عمل المفروق الوجدي بالصور

المقادير
500 طحين القمح
500 فرينة من النوع الجيد حتى هي
ملح
ماء دافء باش نجمعو لعجينة
ممكن ديرو حبيبات رفيعة على حساب راس معلقة ..انا مرات نديرها مرات ننساها
للتوراق

زيت طبعا الكافية 
زلافة سميدة
ملعقة كبيرة زبدة
2 خمارات حمراء
شويت زيت
نخلطو سميدة مع المكونات ونبسوها بالزت بحال الا غدي نديرو الحرشة ونخليها جانبا
بعد ما نعجنو العجينة ديال المفروق نخليوها ترتاح 10 دقائق في القصعة ومن بعد نكوروها ونحطو في الزيت ونخليها ترتاح ايضا 10 دقائق لا اكثر ويمن اقل شوية الا كنا مزروبين …غير هي الا ارتاحت مزيان ومتتقطعش ليكم الورقة في الخدمة لان هاد المفروق كبير ويحتاج الانتباه والخفة
انشاء الله الصور غدي تكون تشرح نفسها 

بالنسبة للعجينة متكونش مرخوفة انا ندلكها قاسحة ونزيد الماء مرة واحدة فقط

هنا بسبست سميدة

فاش نسرحها اول مرة نرشها بخليط سميدة وكل ما نطوي شي طية نعاود نرش

نرد الاطراف للوسط
انا طويتها على 2 ثم على 4 ثم رديت الاطراف بجوج للوسط عا جمعتها …وبهاد الطريقة غدي يكونو عندنا طبقات بزاف غير خاصهم يكونو رقاق بزاف وندهنوهم مزيان بالزيت ونعاود نرشوهم بخلط سميدة …..

نتركها ترتاح

فاش نسرحوها باش نحطوها في المقلة نرشوها بخليط سميدة راه يساعدنا بزاف ودغيا تتمشى في يدينا ويخليها تجي محمرة
نرش الطاجين وهو سخون بشوية زيت مشي بزاف ..ونبدا نطيب

والنتيجه

وتقدم

About admin

Leave a Reply

Your email address will not be published. Required fields are marked *

*