Friday, October 20, 2017

طريقة عمل تارت وكيكة باردة

مقادير الكيك

2 بيضات

3 معالق ك سكر

6 معالق كبار زيت

6 معالق ك حليب

6 معالق ك دقيق

خمارة حمراء

المهم نخلط كولشي و نكبا فمول مدهون بالزبدة و مرشوش بالطحين

وندخلوه للفرن و راها مكتديشي الوقت بزاف فطياب حيت كتجي رقيقة

و المول ضروري يكون داك للي كيتفتاح

نخليوها تبرد و ندوزو كريم باتسيير أنا درت

هداك للي كيتباع واجد راه الطريقة مكتوبة فيه

و زدت معاه تقريبا معلقة كبيرة ديال النشا باش جا عاقد مزيان و مباشرة

من البوطة كبيتو فوق الكيك ودخلت الكيك للثلاجة نخليواه حتى يبرد

ندوزو للفلان

نصف لتر عصير برتقال طبيعي

2 فلان ديال درهم

3 معالق كبار سكر

كنخلطو كلشي و نغليو الخليط و مباشرة

من البوطة نكبوه فوق الكريم باتسيير البارد

و ندخلو الطارط لللاجة حتى تبرد ونحيدو الجناب ديال المول و نقدموها

 

https://lh3.googleusercontent.com/-4K17uKtoNrA/Vh6UXneXByI/AAAAAAABfYk/GgndY2b0S8I/s640-Ic42/

About admin

Leave a Reply

Your email address will not be published. Required fields are marked *

*