Wednesday, December 13, 2017

طريقه عمل كيك البنان واللوز والتمر بالصور

4 بيضات

نصف كأس سكر سانيدة او اقل حيت التمر حلو

2 كؤس يوغرت فاني اي نوع “دانون ، شركي….

كاس زيت

200 غ تمر مبخر و مفرتت طريفات صغار ميكونش فيه العصب

2 خمارات

2 معالق كاكاو المر

كاس لوز أخضر ممسوح و مطحون مزيان

2 كيسان دقيق ” الي ما متوفرش عندها اللوز يمكن دير غير 3 ديال الدقيق”

2 بانانات كل وحدة مقطعة طريفات صغار : وحدة نعملولها داخل الخليط –

و التانية نزوقو بها وجه الكيك

الطريقة : كيف ديما تنخلط البيض مع السكر و بعدها نضيف اليوغرت

بعدها الزيت تم التمر و نحرك مزيان

ن بعد التمر نزيد كاس اللوز مطحون ونخلط عاد نزيد الدقيق مغربل من قبل مع 2 معالق كاكاو

و 2 خمارات من بعد ما ينسجم الخليص نزيدو بنانة مقطعة ونحرك من الأسفل الى الأعلى

نين ينسجم الخليط هنا خديت مغرفة و عمرت مولات صغار و حطيت فوقهم طريفات البنان

و دخلتهم للفرن

كل واحد تيعرف قياس فرانو و الوقت الى تتطيب فيه كيكة ديالو

غير منين تعرفوها طابت مزيان وباش تتأكدو تقبوها بقطيب ديال العود

او سكين ماتخافوش الى بان ليك شوية ميدم حيت البنان تيبقى شوية مرخي

حتي تيبرد عاد تيشد راسو-=- هادا لايعني انك تشوفي القطيب

او الموس فيه العجينة و تقولي راه غير البنان الا كانت العجينة راه مزالة ما طاب الكيك-=-

مزيان بالصحة و الراحة و الباقي حطيتو مغطي مزيان في التلاجة

About admin

Leave a Reply

Your email address will not be published. Required fields are marked *

*