Friday, October 20, 2017

طريقه الاحتفاظ بالقوق بالصور

اخواتي كيفما كتعرفو العديد من النساء كيكرهو يصايبو القوق لانه اولا كيكحل اليدين و ثانيا كيتاكسد دغيا خصك نتي كتقشر فيه و في نفس الوقت كتديرلو الحامض يعني عملية متعبة
اليوم جبتلكم طريقتي الي كنحتفض بها بالقوق ف المجمد وغا يدوز الموسم ديال القوق و كيبقا ابيض بلا منستعملو الحامض. .

نبداو على بركة الله
الخطوة الاولى خصك ديري الليكات les gants انا داك النهار مكانوش عندي من بعد كنخدو القوق كنزولو القشور اللي في الوجه و بلا منزول داك القلب اللي فيه فحال الشعيرات حيت ادا زالو هادوك كيتاكسد القوق

كنبدا كنقشر فالقوق حتى نسلي الكمية اللي عندي انا كنت شاريا 3 كيلو ولكن مكنزولشي المنطقة الي فيها الشعيرات

كنحصل على هاد الشكل

من بعد كنغسلو مزيان

كنديرو القوق فطنجرة و كنسلقو مع مليحة غير شوية بحيث يبقا اللون ديالو اخضر

من بعد كنصفيه و نخليه حتى يبرد

و الخطوة الموالية كنبدا نكمل التقشار ديالو غير بالمهال و دك الطبقة ديال الشعيرات كتزول بسهولة و بلا منستعملو الليكات فهاد المرحلة

و فالاخير كنحصل على قوق ابيض بلا منستعمل الحامض

About admin

Leave a Reply

Your email address will not be published. Required fields are marked *

*