Tuesday, November 21, 2017

طريقة عمل حلوة بكريمة الحامض بالصور

المقادير

الجينواز

4 بيض

100g سكر

لفاني

100g دقيق

1/2 م ص خمارة الحلوى

كريمة الحامض

100 سكر

عصير 2 حامضات

2 بيض

50g زبدة

قشور الحامض

للتزيين

كريم شانتيي

فرميسيل الشكلاط

كاكاو

فواكه معلبة

 

 

الطريقة

كنلبسو المول ديالنا كله بورق الطبخ

كنخفقو البيض مع السكر حتى يبياض لونه ويتقال تقريبا 10د حتى 15د

كنضيفو الدقيق،خمارة الحلوى والكل مغربل ونحركو بسباتول وغير بشوي


كنصبو الخليط ديالنا في المول وحنا كنعليو يدينا باش ندخلو كمية كبيرة من الهواء وندقو المول واحد 2 مرات

وندخلوه للفرن مسخن من قبل على درجة 180د مدة تقريبا 1/2 ساعة(وكل وحدة وفرانها )

منين طيب نطيف الفران ونخليوها فيه مدة 5د ونخليو الباب مفتوح شوي

وهاهي واجدة

ندوزو لتحضير الكريما:كنوضعو المقادير كلها في كسرونة

ونوضعوها فوق العافية حتى تتقال وحنا كنحركو

من بعد نصفيوها ونغطيوها ببلاستيك ونخليوها حتى تبرد

كنقسمو الكيك ديالنا على 3 حصص ,انا استعملت هدا السكين الخاص بالتقطيع

كنوضعو الطبقة الاولى ونسقيوها بالسيرو ونوضعو طبقة من الكريم شانتيي+الفواكه


ثم الطبقة الثانية بنفس الطريقة 

من بعد كنغطيو الحلوى ديالنا بالكريم شانتيي وفي الجناب نوضعو فيرمسيل الشكلاط

كندخلوها الثلاجة مدة 1 ساعة على الاقل

كنخرجو 

الحلوى ديالنا ،كنزولو واحد 2 م ك من الكريما ونضيفولها الكاكاو وكنوضعوها في جيب الحلواني

والباقي كنوضعوه من فوق الحلوى

كنزينو بالكريمة البنية على شكل دوائر ونديرولها بحال تزيين الميل فوي


وهاهي واجدة نتمنى تعجبكوم وتجربوها


بالصحة والراحة

About admin

Leave a Reply

Your email address will not be published. Required fields are marked *

*