Friday, November 24, 2017

طريقة عمل البافلوفا بالصور

 

 

المقادير:

 

للمرانج :

 

4 بياضات بيض

كوب سكر

ملعقة صغيرة نشا ذرة

 

 

للحشوة :

 

كوب كريمة خفق

تشكيلة فواكه حسب الرغبة ( خوخ ، موز ، برتقال ، كيوي ، أنواع توت مختلفه … إلخ .. )

 

 

للتغطية :

 

نص كوب مربى مشمش

ملعقة كبيره مويه

أوراق نعناع( إختياري )

سكر مطحون ( إختياري )

كوليه فواكه حسب الرغبة( إختياري )

 الكوليه: http://manalkitchen.com/?p=228

 

الطريقة :

 

 

القشرة :

 

1 ـ أول شي نسوي مرانج سويسري بالبيض و السكر ونخليه يوصل مرحلة منقار الطير . نخلط نشا الذرة مع السكر في المرانج . اللي ما يعرف شي عن المرانج أو المرانج السويسري يقرأ موضوع المرانج الفرنسي والسويسري.

 المرانج الفرنسي: http://manalkitchen.com/?p=211

المرانج السويسري: http://manalkitchen.com/?p=225

2 ـ نشغل الفرن على 150 فهرنهايت أو 65 مئوي ( الفرن يعتبر بارد نسبيا هذا يسمونه فرن تجفيف ) .

 

3 ـ الحين نشكل المرانج . راح أستخدم كيس حلويات براس نجمة هنا بس ممكن إستخدام أي راس عادي. نصب المرانج على صينية فرن مدهونة بشوي زيت أو أفضل بعد نستخدم ورق زبده أو سيلبات. نصب القشرة على شكل دائرة بعدين نسوي للدائرة زي الجدران عشان تشيل الحشوة. اللي ما عنده كيس أو ما يبي يستخدم كيس يقدر يسوي نفس الشي بإستخدام ملعقة يحط شوي من المرانج على ورق الزبده أو الصينية وبعدين يسوي زي الفتحه داخلها جدا سهله. هنا أنا أحب القشرة تكون من داخل زي المارشمالو عشان كذا أسويها شوي متينة بس اللي يحبها تقرمش يسويها أنحف. اللي يحتاج مساعده في صب دوائر مضبوطه يقدر يرسم دوائر على ظهر ورق الزبده ( نفس الصورة ).

 

 

4 ـ ندخل المرانج الفرن إلين يجف تماما راح ياخذ حوالي ساعتين ونص إلى ثلاث ساعات . نطلعه من الفرن ونخليه إلين يبرد تماما قبل نشيله من الورق . لو كنا بناكل البافلوفا في وقت ثاني نحفظ القشرة حقت البافلوفا في علبه تتقفل بإحكام على حرارة الغرفه أسبوعين أو شهرين في الفريزر.

  

الحشوة :

 

نقطع الفواكه إذا كانت تحتاج تقطيع. بعدين نسوي كريمة مخفوقه بالفانيلا بس بدون سكر. اللي ما يعرف كيف يسوي كريمة مخفوقه يشوف الموضوع

طريقة عمل الكريمة المخفوقة: http://manalkitchen.com/?p=209

 

التغطية :

 

هنا راح ندهن الفواكه بمربى مشمش. هذي العملية تستخدم عشان تعطي الفواكه لمعة حلوه غير إنها راح تحفظ الفواكه وقت أطول. نخلط المربى مع المويه في قدر صغيره ونخليها توصل غليه بعدين ندهنها على الشي اللي نبي بفرشه وهي حاره.

 

التجميع :

 

أول شي ناخذ قشرة بافلوفا ونحشيها بكريمة مخفوقه . بعدين نرص الفواكه عالكريمة ( حاولوا تنوعون في الأشكال و الألوان حقت الفواكه عشان تطلع بشكل حلو ) . الحين ندهن الفواكه بتغطيه المشمش وهي حاره . نخليها تبرد ثواني بعدين نرش شوي سكر بودره و تتزين بورق النعناع حسب الرغبة. تقدم البافلوفا مع كوليه فواكه لو حبيتوا .

طريقة الكوليه: http://manalkitchen.com/?p=228

الفواكه بدون تغطية 

الفواكه مع التغطية

About admin

Leave a Reply

Your email address will not be published. Required fields are marked *

*