Wednesday, December 13, 2017

طريقة عمل محينشات بدجاج ممتاززيين بطريقتي بالصور

مقادير العجين
250غ دقيق+1 م ك خل+1م ك زيت+1م ص سنيدة+1 خمارة+شوية المليحة+ماء دافي باش تجمع العجينة
تخلط المقادير كولشي وتدلك العجين مزيااان وتعملي كريصات صغار وخليهم يرتاحو شوية

الحشوة
صدر الدجاج مقطع+بصلة صغيرة مشلظة+بزار+سكنجبير+1 ثومة+ملح عصير حامضة+زيتون مقطع+شعرية الصينية+شوية نتاع القرفة+شوية من الخرقوم+ربيع
كناخدو البصلة والثومة وطريفات دجاج نشحروهم مع شوية من الزيت ونزيدو لهم التوابل والزيتون وربيع نخليو كولشي فوق نار حتى يطيب الدجاج ونطلقو شعرية الصينية فشوية من الماء الساخن ونقطعوها ونخلطوها مع الحشوة نخليوها شوية عاد نزولها من فوق النار

من بعد كنرجعو لكريصات نورقوهم مززيااان بالزيت نديرو شوية من الحشوة

ونروليو ونديروها على شكل حلزوني ونستفوهم في طاوة مدهونة بالزيت

من نكملو كولشي كدهني من فوقهم بالبيض مطرب مع شوية من الحليب ودخليهم الفرن يطيبو منين يتحمرو خرجيهم وزينيهم كيما حبيتي انا عملت فوقهم فرماج حمر محكوك.

About admin

Leave a Reply

Your email address will not be published. Required fields are marked *

*