Thursday, December 14, 2017

طريقة تحضير بسطيلة بالكبدة بالصور

مقادير البسطيلة بالكبدة

كحتجو ورقة د البسطيلة 

فيرمسل

بصلة شي 5 د قوقات ولا 6 

فرماج محكوك

و لفرماج د sandwich

مطشة د الحك

عطرية

طريقة تحضير البسطيلة بالكبدة بالصور 

كنوجدوهة على ثلاث مراحل

المرحلة الاولى

كنشد الكبدة كنسهذها شوية ف لعافية بش متبقش كتزلق بش تساعدنا ف لخدمة أنا حيت معنديش العافية هنا ههه sahadtha غي ف لمقلة طراف كبار شوية

كنوجد شرمولة كتكون من ربيع قسبر و معدنوس قسبر أكتر شويي د توم بزار تحميرا كمون خرقوم زويتة بلدية شوية د الحار و كنشرملو بها لص tranches د لكبدة

من بعد كندوزها ف لا chaplure
و من بعد كنقليوها

المرحلة الثانية

كندير بصلة طيح ف زبيدة علا النار و نزيد عليها ديك الكفتة و نديرلها العطرية كما معروف كنشرملوها ف لعمارات و نحطوها على جنب

كندير الفيرمسل ف لما طيب تسلق شوية و نحيدها تستقطر بش مايبقاش فيها لما

كنشد جون بصلات أو كتر إلى كانوا صغار شوية كنتيحهم ف شوية د زيت بلدية أو رومية و ندير العطرية مزيان ملح و بزار و تحميرا و شوية د الحارو واحد كنور د البقري و شوية د مطشة د الحك و نزيد عليها الفيرمسل و إلى بغينا شويي د لكفتة غير chi طريفات بش تنسمهة بريحة اللحم
مكنخلطوش الفيرمسل مع الكفتة كاملة كل حاجة كتبقى بحدها

المرحلة الثالثة

كنفرش اللاطة بالورقة كما معروف او كما بين ف الصور كنعمر تبقى الاولى بالفيرمسل تبقى غليضة كنديرو الفيرمسل تقريباً كاملة كنخليو منها غي شوية غندره من بعد
بالنسبة للبنات لي كيعرفوش طريقة طي البسطيلة غادي نفسر ليهم
اولا كنفرشو ارواق البسطيلة فالجوانب اي نصف الورقة فلاطة و النصف الثاني خارج لاطة حتى تغطة لاطة كوووووولها و انا كندهن بالزبدة باش عاد ندير ورقة او زوج لوسط فقاع اللاطة

تم كندير طبقة د الكفتة

تم كندير طبقة د الفرماج د sandwich

تم كندير طبقة د الكبدة كنقطعها طراف صغار أنا أو كما

بغيتوا نتوما من بعد كنحك شوية د الفرماج العادي

 أنا كان شاطتلي واحد بيضة مسلوقة حكيتها حتى هي هه

تم كندير طبقة أخيرة د دكشي ليبقى د الفيرمسل

بش يجي هو ف الأخير مايجيش الفرماج  ألاخير

بش ميلصقش على الورقة

تم نجمع جوانب الورقة و كل ورقة كنطويوها كندهنوها

بالزبدة كل وحدة و كنغطي من فوق ب جوج ورقات

و نذهنها بصفار البيض

تم إلى الفرن تبقي عاسة عليها متفوتيش

15 min اولا غي 10 min

About admin

Leave a Reply

Your email address will not be published. Required fields are marked *

*