Thursday, September 21, 2017

طريقة عمل دجاج بالليمون والأعشاب بالصور

| دجاج بالليمون والأعشاب |

.

.

| الطريقه والمقادير مع بعض | :

نقطع الدجاج لمكعبات متوسطه 

ونحط معها عصير ليمونه + ملعقه كبيره خل

انا خليتها تتبل قبل بليلة وخليتها بالثلاجه عشان يطلع طعم الليمون فيها .

عقب ماتتبل الدجاج .

ع النار نحط بصل ابيض مقطع شرايح طويله مع شوي زيت ونحرك لما يذبل ونضيف الدجاج عليه .

ونحركه ونخليه لما ينشف الماي حقه ونضيف عليه جزر مقطع شرايح .

ونرش عليه شوي : روزماري مجفف – اكليل الجبل – + ريحان مجفف .

وشوي كركم وفلفل اسود وملح .

ونقلبهم ..

ونضيف عليه تقريباً ربع كاس صوص الورستاشير

ونحركهم ونخليهم من 5 الى 10 دقايق بس .

ونضيف عليهم قطع طماط صغيره مو مقطعه – هذي حجمها صغير مره اصغر من الشيري توميتو العاديه

وشرايح ليمون ،

ونقلب دقيقتين .

عقب مانسكر النار نضيف عليه بصل اخضر مقطع ونقلبه دقيقه ونقدمه

About admin

Leave a Reply

Your email address will not be published. Required fields are marked *

*