Wednesday, June 28, 2017

طريقة عمل الماكرون الأمريكي بالصور

المقادير:

كوبين جوز هند ( نارجيل )

بياض بيضتين

٢/٣كوب سكر

رشة ملح

رشة فانيلا سايلة أو بودرة إذا مافيه

ملعقتين كبار طحين ( عشان يمسك شكله بس)

 

الطريقة:  

نشغل الفرن على ٣٢٥ فهرنهايت .

نسوي مرانج فرنسي بالبيض مع الملح . اللي ما يعرف وش المرانج وكيف يسويه يشوف هذا الموضوع .

المرانج: http://manalkitchen.com/?p=211

الحين نضيف جوز الهند مع السكر و الفانيلا و الطحين على المرانج ونخلط شوي شوي إلين ينخلط .

نغطي صينية فرن بورق زبده (بارتشمنت) أو سيلبات .

بعدين نشكل الماكروون على ورق الزبده بالشكل اللي نبغاه ، ممكن نستخدم ملعقة عاديه ، ممكن نستخدم ملعقة إسكريم عشان نطلعها كور ممكن نستخدم قوالب حتى لو نبغى نطلعها بشكل مختلف . أو ممكن نسوي الشي التقليدي ونشكلها بيدنا على شكل أهرام . أنا شكلتها على شكل بيضاوي .

ندخلها الفرن إلين توصل للدرجة اللي نبغى أنا أحب الأطراف شوي تقرمش ولونها ذهبي عشان كذا أخليها إلين تقلب الأطراف شوي ذهبي حوالي ١٥ – ٢٠ دقيقه بالكثير . اللي يبيها ناشفة أكثر أو متلونه أكثر يخليها أكثر .

 

نطلعها من الفرن ونخليها تبرد شوي قبل التقديم ..

 

بس هذا الماكرون الأمريكي جدددا سهل ..

 

فيه ناس يحبون يضيفون أشياء مع الخليط حق الماكروون مثل إنهم يبدلون جزأ من جوز الهند بمكسرات مثلا أو إنهم يضيفون أشياء مثل بشر ليمون ( الليمون الأخضر رهيب هنا ) . أو ممكن تضيفون مثلا زبيب أو فواكه مجففه أو بهارات لو حابين .

 

بعد ما يخلص الماكروون ويطلع من الفرن ممكن بعد تغطونه بطبقة شكولاته ذايبه أو بعد كاراميل لو تبون .

About admin

Leave a Reply

Your email address will not be published. Required fields are marked *

*